Исмаил Гаспринский адына джумхуриет къырымтатар китапханесинде къырымтатар шаири, терджиман, журналист Юнус Къандымнынъ 65-йыллыгъына багъышлангъан «Тесадюфен догъмагъан бир шаир…» («Поэт, рождённый не случайно…») шиирий акъшамы олып кечти.
Миллий китапханенинъ гузель салонында шаирнинъ сой-соплары, Къырымтатар языджылар бирлигининъ азалары, И. Гаспринский адына Медиамеркезининъ мудир муавини Адиле Ибрагимова, Къырым ве Акъяр мусульманлары диний идаренинъ векиллери, оджалар ве журналистлер топланды.
Оларнынъ эписи Юнус Къандым акъкъында хатырлавларынен пайлаштылар. Булунгъанлар арасында «Ильхам» эдебий клубынынъ азалары бар эди. Клубнынъ тесисчиси ве биринджи ёлбашчысы Юнус Къандым эди. Тешкилят азаларынынъ чокъусы ичюн клуб оларнынъ иджадий омюрге кечирильмесининъ башлангъычы олды. Бугуньки профессиональ шаирлер ве языджылар олып, олар озьлерининъ базы эсерлерини окъудылар, оларны озь насиатчысынынъ хатырасына багъышладылар.
Продолжение читайте в Мераба № 36 (454)