Интервью с директором крымскотатарского театра Динарой Ахтемовой
Кечкен йылынынъ ноябрь айында Къырымтатар девлет академик музыкалы-драма театрининъ янъы мудири оларакъ зенааты боюнджа режиссёр ве оджа Динара Ахтемова тайинленди. Истидатлы ве фааль иджаткяр бундан эвель чешит тедбир ве лейхаларда иштирак этип, озюни баягъы косьтерген.
Бугунь де Динара ханым мудирлик вазифесинден гъайры режиссёр оларакъ саналаштырма ве тедбирлер азырламакъны девам эте ве миллий театримизге янъы ренклер къатып, онъа янъы нефес бермеге тырыша.
Биз Динара Ахтемованен онынъ аяты, иджадий фаалиети ве театрнинъ бугуньки иши акъкъында субет эттик.
– Динара ханым, не ичюн айны театр ве кино санатыны сечтинъиз. Иджаткъа мейиллигинъиз къайдан келип чыкъа?
– Даа кучюк бала экенимде театр ве кинодан чокъ ишим ёкъ эди, мен чокъча оджа олмагъа истей эдим. Мектепни битирген сонъ Полтава девлет педагогика университетининъ «башлангъыч сыныф оджасы ве амелий психолог» болюгине окъумагъа кирдим.
Театрге ве иджаткъа севгим тек онунджы сыныф талебеси олгъанымда
догъып башлагъан эди. О вакъыт Акъмесджитнинъ «На-Москольце» театр-студиясынынъ балалар группасына къатнам башладым. Анда истидатлы актёр ве режиссёрларнен танышкъан сонъ театр алемине мефтюн олдым ве келеджегимни онынъ иле багъламагъа истегенимни анъладым…
Весиле МЕНУСМАН субетлешти
Девамы «Янъы дюнья»да №19(1713) 19.05.2023