Балалыгъымда музыка мектебининъ талебеси олып, Къырымнынъ чешит кошелеринде отькерильген музыкаль ярыш ве фестиваллерде иштирак эткенде гъалиплернинъ адлары арасында пек чокъ «Эбедиет» ансамблининъ ве онынъ ребери Наджие Филимонованынъ адыны эшите эдим. О вакъыт ансамбльнинъ йырджылары санагъа чыкъкъанда оларнынъ кучьлю сеслеринден айретте къалып, устазлары пек теджрибели ве ихтисаслы йырджы ве оджа олса керек, деп тюшюне эдим.
Февраль айында истидатлы оджа, устаз, миллий арекет иштиракчиси Наджие Филимонованынъ бу дюньяны терк эткенине бир йыл олды, лякин онынъ та 2004 сенеси тешкиль эткен «Эбедиет» ансамбли озь ишини девам эттирип, Къырымнынъ саналарыны яраштыра.
Бугуньки субетдешимиз Эльвина Юлдашева мерхум Наджие ханымнынъ шегирти олып, устазынынъ ишини девам эттире. Аман-аман бир йыл девамында о, ансамбльнинъ иштиракчилерине устазлыкъ эте, коллективнинъ энди бир сыра янъы енъишлер эльде этмесине ярдымджы олды…
Весиле МЕНУСМАН
«Янъы дюнья» №11(1705) 24.03.2023