В Крымскотатарском академическом-музыкально драматическом театре состоялась презентация фотоальбома, посвященного 100-летию со дня рождения крымскотатарской танцовщицы Селиме Челебиевой.
Къырымтатар девлет академик музыкалы-драма театринде Селиме Челебиеванынъ хатырасына багъышлангъан «Айрыламам санадан…» адлы хатыра акъшамы олып кечти.
Тедбирде девлет идарелернинъ векиллери, иджадий зиялылар, белли оюнджыны севген ве урьмет эткен инсанлары иштирак эттилер.
Исмаил Гаспринский адына Медиамеркез 2022 сенеси «Намус» тешкилятынынъ тешеббюсинен Селиме Челебиеванынъ «Айрыламам санадан…» адлы китап-фотоальбомыны чыкъармагъа ниет этти. Бойлеликнен, концерттен эвель бу къыйметли фотоальбомынынъ такъдими олып кечти.
Такъдим мерасимини Исмаил Гаспринский адына Медиамеркезнинъ муаррирлик ве нешрият иши боюнджа мудир муавини Адиле ханым Ибрагимова алып барды.
«Элинъизде олгъан надир китап-фотоальбом, «Хайтарма» йыр ве оюн ансамблининъ солисти, къырымтатар халкъынынъ эм де дюньянынъ башкъа халкълары оюнларынынъ мешур оюнджы Селиме Челебиеванынъ 100 йыллыкъ юбилейине багъышлана. Селиме Челебиеванынъ иджрасында: «Агъыр ава ве Хайтарма», «Тым-тым», «Эмир Джелял» киби къырымтатар халкъ оюнлары сейирджилерде унутылмаз теэссуратлар къалдырды», – деп бильдирди Адиле ханым Ибрагимова.
Девамы «Мераба» газетада № 10 (376)
