Материал о выставке в Крымскотатарском музее.
Ноябрь 15-те Къырымтатар медений-тарихий асабалыкъ музейинде «ХХ асырнынъ 20-нджи сенелери Къырымдаки тарихий ве санат абиделерининъ къоруйыджылары» мевзусында серги ачылды. Ишбу серги КРЫМОХРИС (музей ве абиделерни къорув ишлери боюнджа Къырым виляет комитети) тешкиль этильмесининъ йылдёнюмине багъышланды.
Кечкен асырнынъ 20-нджи сенелерининъ башында мейдангъа кетирильген КРЫМОХРИС музейлерге реберлик япмакънен берабер, оларны эскпонатларнен теминлей, медениет абаделерини (джами, чешме, башташ ве илх.) тамирлевнен де огъраша эди. О девирде Александр Полканов (КРЫМОХРИСнинъ ёлбашчысы), Усеин Боданинский, Константин Богаевский, Осман Акъчокъракълы, Алексей Башкиров, Полина Чепурина, Борис Куфтин ве дигер зиялылар ярымаданынъ медений аятында муим роль ойнап, Къырымнынъ медений мирасыны сакълап къалувгъа озь исселерини къошкъанлар.
Сергиде ХХ асырнынъ 20-нджи сенелерине аит фотовесикъалы материаллар, ресимлер, китаплар ве дигер экспонатлар нумайыш этильди. Бир талай артефактлар тарихчы ве улькешынас Александр Полкановнынъ торуны Анна Полканова тарафындан такъдим этильди.
Сергининъ ачылышында музейнинъ хадимлери Нурие Гемеджи, Эбазер Чачи, Шефикъа Абдураманова, Амет Харахады, Садиха Джемилева чыкъышта булунаракъ, о девирде буюк сымалар бир шейге рагъмен миллий медениетимизни яшатмакъ ичюн буюк хызметлерде булунгъанларыны къайд этип, юкъарыда анъылгъан зиялыларнен бир сырада Асан Рефатов, Якъуб Кемаль ве Исмаил Лемановнынъ да такъдирге ляйыкъ ишлери унутылмамакъ, даа да теренден огренильмек кереклигини ургъуладылар…
А. ЯШАР
Девамы «Янъы дюнья» газетасында