Материал о музыкальном ансамбле «Фесиль».
Багъчасарайдаки «Дервиш эви»нде отькерильген «Квартирник»лернинъ бири акъкъындаки макъалемизде янъы, «Фасиль» адлы къырымтатар чалгъы алетлери такъымыны да анъып кечкен, джумледен учь истидатлы йигит трио тешкиль этип, миллий музыкаль алетлеримизде озьгюн къырымтатар музыкасыны чалгъаныны, онынъ аэнкли янъгъыравыны гъайрыдан тиклемеге истегенини язгъан эдик.
Биз янъы такъымнынъ фаалиетинен меракъланып, онынъ акъкъында бираз чокъча огренмек ниетинен «Фасиль»нинъ тэсисчилеринден бири олгъан чалгъыджы Абибулла Усеинов иле субет эттик.
– Абибулла, бойле бир трио тешкиль этмек гъаеси сизде насыл пейда олды?
Эсас макъсадымыз – аутентик, яни асыл къырымтатар музыкасыны гъайрыдан тиклемектир. Эльбет, бу макъсадымызгъа иришмек ичюн бизге бир сыра миллий чалгъы алетлеримиз етишмей. Келеджекте, бельки де, триомыз квартет, я да квинтетке чевирилир. Фикиримдже, бу шей вакъыткъа ве миллий музыкамызнен миллий алетлеримизни гъайрыдан тиклемек истегине багълы.
– Такъымынъызнынъ иштиракчилери акъкъында тариф этсенъиз. Бильгениме коре, музыкаль тасилинъиз боюнджа сизлер аккордеон, кемане ве гитара киби алетлерни менимсеген чалгъыджыларсынъыз. Я шимди насыл миллий алетлеримизни чаласынъыз?
– Мен он дёрт йыл девамында аккордеонны менимсеп, аля бугунь бу ёнелиштеки тасилимни девам эттирем. Амма саз алети иджадий ёлумда айры ер тута. Оны Рустем оджа Комурджининъ оркестринде чалмагъа огрендим…
Весиле МЕНУСМАН субетлешти
Девамы «Янъы дюнья» газетасында