В Севастополе состоялся концерт фольклорного ансамбля «Крым». Вокально-хореографические композиции творческого коллектива, основанные на крымскотатарских народных песнях и танцах, отражают лучшие национальные традиции и пользуются большим успехом у зрителя.
Акъяр шеэринде «Къырым» фольклор ансаблининъ концерти олып кечти. Концерт программасына эски къырымтатар халкъ йырлары ве земаневий тюркюлер кирди.
Тедбирнинъ эсас макъсады – миллий медениетини сакълав ве инкишаф этюв эмиетини хатырлатмакътыр.
Татаристан Джумхуриети ве Украинанынъ нам къазангъан санат эрбабы, «Къырым» ансамбльнинъ бедиий ребери Сервер Какура озь фикирлеринен пайлашып, «Ансамбль тарафындан косьтерген «Янъгъырасын Къырым» адлы концерт программасы пек меракълы ве парлакъ. Бизим урф-адетлеримиз ве медениетимиз пек зенгин. Ойле киби концертлер миллетимиз ичюн пек файдалы», – деди.
Концерт башланмасындан эвель артистлер айры бир эеджан дуйгъуларыны ис этелер. Олар чыкъышкъа буюк месулиетнен азырландылар, нетиджеде музыканынъ биринджи нагъмелеринден сейиджилернинъ гонъюллерини алдылар.
Сейирджилерден бири Сусанна Бекирова озь теэссуратлары иле пайлашты. «Меракълы концерт ичюн чокъ сагъ олунъыз! Эр бир артистке Аллах сагълыкъ берсин. Чокъ бегендим. Меним ичюн концерт бир ань киби кечти. Истидатлы оюнджылар ве йырджылар, айретте къалдырыджы костюмлер ве тылсымлы миллий нагъмелер бутюн дикъкъатымны джельп этти!», – дей сейирджи.
Лиля Велиева
Продолжение в газете «Мераба» № 34 (348