Материал о о мастере-цветоводе Али Сеитвелиеве
Бугуньки къараманымыз Акъмесджит районынынъ Янъы Сарабуз (Укромное) коюнде яшагъан эмексевер, алчакъгонъюлли адам, эки эвлятнынъ бабасы Али Наркет огълу Сеитвелиевдир. О 19 йылдан берли кузь чечеклерининъ (хризантема) асравынен огъраша ве ишнинъ акъикъий устасыо лды. Топракъкъа олгъан севгини онъа рахметли битасы балалыкъ чагъында ашлагъан. Субетимиз хош муитте, омюр аркъадашы Эльвина ханым ве онынъ анасы Рефикъа тата Мусаеванен, Алининъ бабасы Наркет агъанен софра башында лезетли бир къавенен кейфли кечти. Али бей озь бильгилеринен пайлашып, бутюн иши балаларынынъ раат келеджеги ичюн япылгъаныны къайд этти.
– Мен 1979 сенеси Озьбекистаннынъ Самаркъанд виляети Джамбай шеэринде догъдым. Бабам Наркет Сеитвели огълу (1952), анам – Гульнар Сеитгъафар къызы (1958). Рахметли битам Мунивер Али къызы (1930) манъа топракъкъа севги ашылады. Фиде насыл сачылыр, себзелер насыл бакъылыр, буны анълатып косьтере эди. Мен 11 яшыма къадар битамнынъ янында осьтим. Янъы Сарабуз коюне 2000 сенеси кельдик. КъМПУнинъ автомобиль ходжалыгъы ихтисасы боюнджа тасиль алдым. Омюр аркъадашым Эльвина ве эки балам бар: огълум Демирель ве къызым Селиме. Энди 19 йылдыр кузь чечеклери асравынен огърашам. Топракънен огърашмакъ къолай дегиль. Башталары интернет о къадар къулланылмай эди, базы инджеликлерни херсонлы Вячеслав Ковальден огрендик…