Майыснынъ 4-те Февзи Якубов адына Къырым муэндислик ве педагогика университетте «Къырымтатар филология, тарих ве медениети: аньанелер ве земане» адлы XVII Бутюнрусие халкъара ильмий конференция онлайн шекильде олып кечти.
Конференциянынъ тесисчилери – Февзи Якубов адына Къырым муэндислик ве педагогика университети ве Ильмий тедкъикъат институты.
Тедбирде бакъкъан мевзулар:
– къырымтатар тили ильмий ве амелий шекильде;
– къырымтатарларнынъ эдебияты ве халкъ агъыз яратыджылыгъы;
– къырымтатар халкъынынъ тарихы, Къырым медениетинде тарихий язма менбалар;
– къырымтатар маневий ве маддий медениети;
– этнопедагогика.
Тедбирнинъ макъсады – къырымтатар медениетини тарих ве къавмият сааларда сакъламакъ ве инкишаф этмектир.
Умумий топлашув ве болюк марузалар конференциянынъ программагъа кирдилер.
Продолжение в газете “МЕРАБА” № 18 (332), 13 мая 2022
Подробности подписки