Статья посвящена Международному Дню родного языка
Энди чокъ йыллардан берли газета, меджмуа ве ичтимаий агъларда тилимиз не дереджеде аджыныкълы алда олгъаны акъкъында макъале ве языларны расткетирмек мумкюн. Буны тили ве миллетининъ келеджегине лякъайд олмагъан, тиль халкънынъ сакъланып къалмасында не дередже муим олгъаныны анълагъанлар язалар. Лякин буны окъугъан ве бу язылардан тесирленип, тилини огренип башлагъан семетдешлеримиз пек аз.
Догъру, бугуньде-бугунь тилимизде сербест лаф этип, онынъ келеджегини къайгъыргъан яш несильнинъ векиллери де ёкъ дегиль. Олар чешит ярыш ве олимпиадаларда иштирак этип, тили ве Ватанына олгъан севгисини этрафтакилерге косьтерип, бойлеликнен, акъранларыны да тувгъан тилимизни бильмеге джельп этелер.
Алушталы Алие Ахманова энди беш йылдан берли «Миллет» телеканалында балалар ичюн азырланылгъан «Балалэнд» программасыны алып бара. Он беш яшында олгъан къызчыкъ балаларгъа тувгъан тилимизде чешит меракълы мевзуларны айдынлатып, оларгъа тувгъан тилимизни севдирмеге тырыша.
Алие алушталы олса да, афтада беш кунь Акъмесджитте яшай, чюнки Эшреф Шемьи-заде адына къыркъ экинджи мектепте тасиль ала. Онунджы сыныф талебеси яшдашлары арасында тувгъан тилимизни яхшы бильгенлер аз олмагъаныны къайд эте. «Бу балалар эр вакъыт, яни эм эвде, эм мектепте, эм башкъа ерде олгъанда озь тилинде лаф этелер. Бойле балалар чешит мерасимлерде, ана тили дерслеринде фааль иштирак этелер. Озьара субетлешкенде де, ана тилимизде лаф этмеге тырышалар. Озьлери озьлерине муит яраталар», — дей къыз.
Кечкен йылы баарьде Алие Ватанымызны ве озь мектебини Къазан шеэринде отькерильген халкъара олимпиадада такъдим этти. Он эки мемлекет ве йигирми секиз региондан келип, ярышта иштирак эткен талебелер арасында Алие Ахманова юксек нетидже косьтерип, «тиль бильгиси» номинациясы боюнджа гъалебе къазанды…
ДЕВАМЫ ГАЗЕТАДА
Весиле МЕНУСМАН
«Янъы дюнья» 6(1648) 18.2.2022
Подробности подписки
Инстаграм