Статья посвящена деятельности фольклориста Анастасии Жердевой
Бу йылдан итибарен Тюркиенинъ Анкъара университетинде къырымлы фольклоршынас Анастасия Жердева къырымтатар фольклоры боюнджа дерслер береджек. Дерслернинъ макъсады, мундериджеси ве бекленильген нетиджелер акъкъында Анастасия Жердева ашагъыда озю малюмат бере.
– Мен йыллар девамында фольклорнен огърашам. Даа университетте окъугъанымда, Къырымда ильмий реберлигимни япкъан Галина Темненко бир кунь манъа «Къырымтатарларнынъ масаллары ве эфсанелери» китабыны берди. О куньден бу куньге къадар къырымтатар халкъ агъыз яратыджылыгъындан бир даа айрылып оламадым. Эбет, бильгилеримни арттырмакъ ве даа зияде малюмат топламакъ истедим. Тюркиеде тюрк тилини огренгеним ичюн къырымтатар тилини де анълайым. Асыл макъсадым халкъ агъыз яратыджылыгъынен багълы салмакълы ве джиддий эдебиятларнен якъындан танышмакъ, оларны тедкъикъ этмектир. Намзетлик ишим де къырымтатар эфсанелери мевзусына багъышлангъан эди. Сонъра тюрк тилинде «Къырым эфсанелери» деген китабым чыкъты. Бундан сонъ Орта Шаркъ техника университетинде «Тюрк ве Къырым фольклорыны къыяслав» мевзусында ильмий иш яздым. Василий Радловнынъ фольклор китабыны терджиме этип, тедкъикъатларымны девам эттим.
Кечкен сене Анкъара университети тиль ве тарих-джогърафия факультетининъ халкъ агъыз яратыджылыгъы болюгинде чалышып башладым. Эбет, ильк ве асыл фикрим къырымтатар фольклоры дерсини ачмакъ эди. Теклифим къабул олунды. Баарьде биринджи дерслеримиз башланаджакъ…
ДЕВАМЫ ГАЗЕТАДА
Серане КЕНДЖАЛИ
«Янъы дюнья» №3 (1645) 28.01.2022
Подробности подписки
Инстаграм