Нузет Умеров – къырымтатар белли бала шаири, языджы, журналист. О балалар ичюн чешит иджадий услюплерде шиир, икяе ве масаллар яратты. Январьнинъ 17 куню Ильмий-теткъикъат институтында Нузет Умеровнынъ 90-йыллыгъына багъышлангъан конференция олып кечти.
Конференцияда университет факультетлернинъ эр бир деканы, оджа, дост ве меслекдеши иштирак этти. Кельгенлерининъ эписи юбиляргъа озь урьмет ве тешеккюрлерини бильдирип, хайырладылар.
КъМПУ-нинъ ректоры Чингиз Якубов Нузет Умеровге озь миннетдарлыгъыны бильдирдирип, хатыравларнен пайлашты:
«Урьметли Нузет агъамыз, сизни джан-юректен хайырлаймыз! Аллах сизге къавий сагълыкъ, узакъ омюрберсин. Сиз белли, джиддий, гъаелернен толу инсансынъыз. Биз сизнен гъурурланамыз. Сизинъ киби ватанпервер, акъыллы, ишкир ве истидатлы адамларгъа теменна этем. Сиз Февзи Якубовнен энъ якъын дост эдинъиз, ССДжБ языджылар бирлигининъ азасы, мунивер ве акъыллы инсан. Сизнен таныш олмакъ ве бир девирде яшамакъ пек шерефли. Меслекдешлерим ве озь адымдан сизни хайырлаймыз!»
Продолжение читайте в Мераба № 2 (316)
Подробности подписки
Инстаграм