Статья посвящена деятельности детского фотографа Эльмиры Ибраимовой.

 

 

1990-нджы сенелерде австралиялы Анна Геддес янъы догъгъан балаларнен фотосессия кечирген ильк фоторессам олды. Кичкене бебийлернинъ аджайип фотолары бутюн дюньягъа таркъалгъан сонъ, чешит улькелерде newborn («ньюборн», яни янъы догъгъан бала) фотосессиялары кечирилип башланды.

Ньюборн-фотосессиялары адетте еди куньлюктен он дёрт куньлюккедже балачыкъларнен кечириле тургъан. Чюнки бойле сабийлер эксериетиндже фааль олмайып, чокъ вакъыт къатты юкъуда олалар. Шунынъ ичюн, фотосуретчи ичюн гузель фотолар чыкъармакъ имкяны пейда ола.

Къырымда ньюборн-фотосессиялары тек сонъки йылларда пек популяр олып башлады. Чокъусы аля бугунь онынъ янъы догъгъан балагъа зарар кетиргенини тюшюнип, фотосессиягъа разы олмайлар. Лякин ичтимаий агъларда бебийлернинъ гузель образларда япылгъан фотоларыны корьген яш ана-бабалар бойле фурсатны къачырмагъа истемейлер.

Семетдешлеримиз арасында ильк ньюборн-фотосуретчиси — йигирми докъуз яшында олгъан акъмесджитли Эльмира Ибраимовадыр. Озюне «тизе» тахаллюсини алгъан къыз энди учь йылдан зияде ньюборн-фотосессияларынен мешгъуль олып, бебийлернинъ аджайип фотоларыны япа.

Эльмира зенааты боюнджа икътисадчы олса да, иджаткъа мейиль бергени ичюн, аятыны фотосуретчиликнен багъламагъа истеген. Биз къызнен якъынджа таныш олып, ньюборн-фотосессиясы ве онынъ инджеликлери акъкъында сораштырдыкъ.

— Эльмира ханым, насыл этип ньюборн-фотосессияларынен мешгъуль олып башладынъыз? Бу саанынъ сыр ве инджеликлерини къайда огрендинъиз?

— Мен балалыкътан иджадий бир инсан эдим. Музыка ве йырнен мешгъуль олып, мектепте кечирильген эр бир концертте иштирак эте эдим. Он учь йыл Мунир агъа Аблаевнинъ «Теселли» оюн ансамблине къатнадым.

Икътисадчы зенаатына окъугъаныма бакъмадан, аятымны иджатнен — фотосуретчиликнен багъламагъа истедим.

Умумен, фото саасында энди алты йылдан зияде чалышам. Гузель фото чыкъармакъ къабилиетимни корьген Сабина татама миннетдарым. О, манъа Къырымнынъ энъ яхшы фотомектебинде окъувны эдие эткен эди.

Башкъа зенаатларда олгъаны киби, фото саасында да яхшы мутехассыс олмакъ ичюн чокъ окъумакъ керек. Дейик, экимликте олгъаны киби, фотосуретчиликнинъ де, чешит ёнелишлери бар…

ДЕВАМЫ ГАЗЕТАДА
Весиле МЕНУСМАН
 «Янъы дюнья» №1(1643) 14.01.2022
Подробности подписки
Инстаграм

Добавить комментарий