Статья о книге литературоведа Шевкета Юнусова, изданной Медиацентром им. И. Гаспринского
Земаневий къырымтатар эдебиятшынаслыгъы энъ башта бир къач фааль эдебиятшынасымызнынъ гъайретлери саесинде эп аякътадыр. Оларнынъ арасында ильк-эвеля филология илимлери намзети, В.И. Вернадский адына Къырым федераль университетиндеки филология Институты къырымтатар эдебияты кафедрасынынъ доценти Шевкет Юнусовнынъ эмеги эр тюрлю такъдирге ляйыкътыр, десем ери бар.
Шевкет оджа анги эсер, анги языджы акъкъында язгъанындан къатий назар, кимсени алчалтмамакъ, беязгъа беяз, къарагъа къара демек киби муим бир принципке риает эте, умуминсаний къанунгъа эсаслана. Адий окъуйыджы эсерни он кере окъуса биле, фаркъына бармай, ичиндеки базы инджеликлерни дикъкъатсыз къалдыра биле. Атта муэллифнинъ озю де базы шейлерге эмиет бермей. Лякин истидатлы, теджрибели эдебиятшынас о я да бу сёзге, джумлеге, тимсаль ве меджазгъа айрыджа итибар бере, оны башкъа бир джеэттен ачыкълай, я устюнлиги ве озьгюнлигини, я эксиклигини мейдангъа чыкъара.
Исмаил бей Гаспринский 1896 сенеси «Терджиман» газетасында: «Эсер олур ки, гъает гузель ве сюслю лисан иле язылмыштыр, факъат истифадесиздир. Эсер олур ки, лисаны къабадыр, гузель дегильдир, факъат ачтыгъы эфкяр (фикирлер) пек къыйметлидир», — деп язгъан эди. Иште, Шевет оджа эм эдебиятшынас, эм эдебий тенкъидчи оларакъ, эски я да янъы эсерлердеки сюс ве эфкярны назар-итибаргъа алып, оларгъа даима битараф ве адалетли тарзда къыймет кесмеге муваффакъ ола.
Бу куньлерде оджамызнынъ янъы китабы — «Эдебиятшынаслыкъ ве медений аят» адлы джыйынтыгъы дюнья юзю корьди…
ДЕВАМЫ ГАЗЕТАДА
Сейран СУЛЕЙМАН
«Янъы дюнья» №43(1633) 5.11.2021