Статья о гастролях в Крыму Башкирского государственного театра им. М. Гафури
Сентябрь 14 куню Къырымтатар академик музыкалы-драма театринде «Театр санатынынъ инкишафында къырымтатар ве башкъырт театрлерининъ ролю» мевзусында матбуат конференциясы олып кечти. Тедбирде миллий театримизде эдебий драматургия болюгининъ башы Ремзи Девлетов ве башкъырт театрининъ мудири, Башкъыртыстанда нам къазангъан медениет хадими Иршат Файзуллин чыкъышта булунып, бу куньлерде М. Гъафурий адына Башкъырт девлет академик драма театри «Буюк гастроллер» федераль программасы черчивесинде миллий театримизде учь спектакльни нумайыш эткенини бильдирдилер.
– Бизим театримиз 1919 сенесинден берли чалыша. Кечкен сене Къырымтатар академик музыкалы-драма театри бизде «Тувгъанлыкъ» фестивалинде иштирак эткен эди. Шунынъ ичюн, даа эвель олгъан ишбирлигимизге эсасланып, Къырымдаки меслекдешлернен багъландыкъ ве Къырымда учь кунь девамында акъшамлары эки, куньдюз исе бир спектакльни нумайыш этмек къарарына кельдик. Спектакллернинъ учю де севги (бизлер мөхәббәт деймиз) акъкъындадыр, – деди Иршат Файзуллин.
Матбуат конференциясында бу йыл октябрь айында миллий театримиз Уфа шеэринде «Тартюф», «Эки дюльбер сувгъа кетер» ве «Дюльбер ве джанавар» спектакллерини нумайыш этеджеги акъкъында бильдирильди. Айны вакъытта, эки театрнинъ режиссёрлары озьара теджрибе пайлашаджакълар…
ДЕВАМЫ ГАЗЕТАДА
С. ТАРХАНЛЫ
«Янъы дюнья» №36(1626) 17.09.2021