Статья о мерах профилактики коронавируса, интервью с терапевтом-кардиологом Теслиме Ибрагимовой.
Коронавирускъа огърап, тюзельгенлернинъ чокъусы сонъундан юрек агърысына шикяет эте. COVID-19 респиратор (нефес ёллары) юкъунчлы хасталыкъ сайылса да, чокъусы экимлер онынъ юрек-дамар системине менфий тесир эткенини къайд этелер.
Хасталыкъ боюнджа араштырмалар кечирген алимлер коронавируснынъ кетишатына коре, постковид синдромы даа да агъыр кечкенини бельгиледилер.
Бир сыра тедкъикъатларгъа коре, коронавирус тек эсли адамларнынъ дегиль, яшларнынъ да юрек-дамар системасына менфий тесир эте экен.
Биз коронавируснынъ юрек-дамар системине япкъан менфий тесири акъкъында чокъча бильмек ичюн терапевт-кардиолог Теслиме Ибрагимованен субет эттик.
Теслиме Ибрагимова Акъмесджиттеки С. И. Георгиевский адына тиббият университетини битирген сонъ шимди Сакъ район хастаханесининъ къабул этюв болюгинде терапевт ве поликлиникада кардиолог олып чалыша.
— Теслиме ханым, хасталарынъыз арасында коронавирус хасталыгъына огърагъанлар чокъмы? Я да ашлав пейда олгъан сонъ оларнынъ сайысы эксильдими?
— Мен къабул этюв болюгинде чалышкъаным ичюн, коронавирускъа огърагъанларнен энъ чокъ къаршылашам. Болюгимизде энди орта, орта-агъыр ве агъыр алда олгъан хасталарны къабул этемиз.
Догъру, ашлав пейда олгъан сонъ коронавирус хасталарынынъ сайысы бираз эксильгенини къайд этмек истер эдим. Поликлиникадаки ашлав одасында буюк невбетлер олгъаны да, къувандыра.
Эбет, ашлав хасталыкътан юз файыз къорчалайджагъыны эминликнен айтмакъ зор, амма о, хасталыкънынъ кетишатыны енгиллештиреджеги бес-беллидир.
— Коронавирус хасталыгъы юрек-дамар системине насыл тесир эте? Эвель юрегине ич шикяет этмегенлер ичюн бу хасталыкъ не къадар телюкели?
— Юрек-дамар хасталыкълары олгъан адамлар ашлавны биринджи невбетте яптырмакъ кереклер, чюнки коронавируснынъ акъибетлери бойле хасталар ичюн пек агъыр ола, атта олюмге кетире…
ДЕВАМЫ ГАЗЕТАДА
Весиле МЕНУСМАН субетлешти
«Янъы дюнья» №36(1626) 17.09.2021