В тексте статьи рассказывается о юной и талантливой исполнительнице, участнице многих вокальных конкурсов Рейане Келеш.
Рейан Келеш бахтлы бир къызчыкътыр. Анасы къызым йырласынъ, деп оны Эски Къырымдан Акъмесджитке кетирген.
– Рейан 2007 сенеси догъды. Дёрт къызым бар. Рейан экинджи къызым ола. О меннен берабер эв ишлеринен мешгъуль олгъанда эр даим тюрлю сеслер чыкъара эди, – деп хатырлай анасы. Бала багъчасына баргъан сонъ Рейан козьлерни сыкъ-сыкъ къыпып башлады. Бизлер аман невропатологгъа бардыкъ. Эким къызымызны бир шейлернен мешгъуль этмемизни тевсие этти. Рейан йырламагъа пек севгени себебинден биз оны вокал дерслерине бердик. Бала багъчасындан башлап о ярышларда авесликнен иштирак этип, эп йырлай эди.
Мектепке баргъан сонъ балалар ичюн вокал ярышы иляныны корьдик. Къызым буюк къуванчнен бу ярышкъа азырланып башлады. Биринджи басамакълардан кечип, финалгъа даваетнаме алды. Бу финал концертинде Рейан кучюклер категориясында учюнджи ерни къазанды. Эбет, бу ерни къазанмакъ ич де къолай олмады.
«Татлы сес» конкурсы Къырымда балалар ичюн екяне вокал ярышыдыр. Бу ярышта белли санатчы Сервер Какура жюри азасы эди ве конкурс биткен сонъ Рейанны озь бала ансамблине давет этти. Амма эр афта Эски Къырымдан Акъмесджитке 100 км къатнамакъ къолай олмады. Бутюн зорлукъ ве маниаларгъа бакъмадан биз баягъы къарарлы эдик. Теджрибели ве намлы оджалардан дерс алмакъ буюк бир фурсаттыр. Рейаннынъ да теджрибеси кунь-куньден артты. Йырларынынъ сайысы чокълашты…
Серане КЕНДЖАЛИ
«Янъы дюнья» №28(1618) июль 23, 2021 с.
Девамыны «Янъы дюнья»да окъунъыз