В статье освящается деятельность крымскотатарского театра и рассказывается о премьере новой постановки.
Омюрде вакъыттан энъ семерели файдалангъан инсанлар – окъуйыджылар ве темашаджылардыр, десек ерлидир.
Окъуйыджы бир китапны – романны эки-учь кунь девамында окъуп чыкъа. Тасавур этесинъизми, языджы о эсер узеринде къач йыллар чалыша?
Темашаджы театрге бара. Эм зиярет, эм тиджарет дегенлери киби, эм рухен раатлана, эм де бир бучукъ-эки саат девамында бир эсернинъ мундериджесинен таныш ола, чокъусы алларда темаша залындан терен теэссуратлар алтында чыкъа. Темашаджы шу вакъыт ичинде пьесанынъ мундериджесинен ялынъыз таныш олып къалмадан, шу спектакльдеки эр бир персонажнынъ дуйгъуларына дуйгъудаш ола. Эсер къараманлары къувангъанда – оларнен берабер къувана, ынджынгъанда – оларнен берабер ынджынар. Яни олар бири-биринен сыкъы дуйгъудаш олалар.
Темаша залындан чыкъкъанларгъа дикъкъат этсенъ, кимнинъдир чересинде мемнюниетлик, хошнутлыкъ ойнагъаныны, кимдир исе терен тюшюнджелерге далгъаныны, кимдир фикир дагъыныкълыгъына огърагъаныны корьмемек, дуймамакъ мумкюн дегиль.
Озь вакътында бизим миллий академик театримизде баягъы денъишмелер олып кечкени ичюн онынъ фаалиети сезилирли дереджеде дургъунлыкъкъа огърагъан эди. Бу вакъиа, эльбет, халкъымызны, темашаджыларны пек раатсызлай эди. Шукюрлер олсун, иджадий коллектив гъайрыдан кучь-къувет топламагъа тырышты, озь фаалиетини девам эттирмеге наиль олды. Санамызда кене гузель спектакллер ойналып башланды.
Якъында театримизнинъ санасында языджы, шаир, драматург Иса Абдураманнынъ «Къайнанынъ неси бар?» драмасы косьтерильди. Невбеттеки темаша оладжагъыны эшиткенимнен эр вакъыттаки киби деръал судакълы якъын таныш-билишлеримизге, достларымызгъа хабер эттим. Бир къач оджапче топланып кельдилер. Спектакль девамында гъает дикъкъатлы корюниште эдилер. Анълашылгъанына коре, эр бирининъ къафасында озь теэссураты укюм сюрмекте эди…
Медиха МАМБЕТОВА
«Янъы дюнья» №23(1613) июнь 18, 2021
Девамыны «Янъы дюнья»да окъунъыз