В статье «Сагълам къадын – сагълам аиле ве сагълам джемиет» раскрывается тема медицины и здоровья.
1987 сенесинден итибарен эр йыл майыс 28-де бир чокъ мемлекетте Къадынларнынъ сагълыгъыны къорчалав халкъара куню къайд этиле. «Сагълам къадын – сагълам аиле ве сагълам джемиет», – деп сая эким-гинеколог, тиббият илимлери намзети, Акъмесджиттеки «Фемина» (латин тилинден «къадын» деп терджиме этиле) къадынлар сагълыгъы меркезининъ тэсисчиси ве баш экими Фатма Алиева…
О, 2006 сенеси С. И. Георгиевский адына Къырым тиббият университетининъ «Тедавий иши» болюгини битирди, 2011 сенеси исе эбанайлыкъ ве гинекология клиник ординатурасыны тамамлап, 2014 сенеси Киевде намзетлик диссертациясыны къорчалады. Бугуньде-бугунь Фатма Алиева эм тиббият, эм бизнес, эм идареджилик боюнджа озь бильгилерини арттырмакъны девам эте. Гинеколог токътамай бильги алмадан, яхшы, юксек ихтисаслы бир эким олмакъ мумкюн дегиль, деп сая. Биз гинекологнен якъынджа таныш олып, къадынларнынъ сагълыгъы ве экимнинъ тэсис эткен «Фемина» меркези акъкъында субетлештик.
– Фатма ханым, не ичюн сиз айны гинекология ихтисаслыгъыны сечтинъиз? Буны балалыкътан арзу эткен эдинъизми?
– Асылында, эким олмакъны докъуз яшымдан арзу эте эдим. Бир кунь биз бабамнен телевизор бакъып отургъанымызда хаберлерде земаневий тиббиятнынъ енъишлеринден мисаллер косьтерип башладылар – экранда «ачыкъ» юректе амелият кечире эдилер! О вакъыт къаннынъ къызыл ве экимлер урбасынынъ беяз ренклери бири-бирине насыл уйгъаныны нефесимни тыйып бакъкъанымны пек яхшы хатырлайым. О дакъкъалары амелиятта не япылгъаныны толусынен анъламай эдим, амма экранда олгъанлардан айретленип, джеррах (хирург) олмагъа истегенимни анъладым…
Весиле МЕНУСМАН
Девамы: «Янъы дюнья» №20 (1610) 28.05.2021