Статья посвящена выставке декоративно-прикладного искусства крымских татар.
Кеченде Иван Франко адына Къырым джумхуриет универсаль ильмий кутюпханесинде Александра Петрованынъ 150 йыллыгъына багъышлангъан «Къырым севги иле» («Крым с любовью») адлы декоратив-амелий санат сергиси ачылды.
Александра Петрова 1904 сенесинден башлап, къырымтатар нагъыш орьнеклерини топлагъан. Анги токъумада меракълы къырымтатар нагъышларыны корьсе, оларны кягъыткъа кечирген ве озь коллекциясыны
Эски Къырым дживарындаки Эсен Эли коюнде, тизесининъ о ердеки къариесинде топлагъан. Сёз келими, Кефедеки къадын-къызлар окъув юртунда оджалыкъ эткен Александра Михайловна Петрованынъ коллекциясындаки къырымтатар орьнеклери бугуньки куньде де санатчыларымызгъа пек файдалыдыр.
Айткъанларына коре, Александра Михайловна бундан гъайры Айвазовский, Богаевский, Лампси киби ве дигер буюк рессамларнынъ эвлеринде сакъланылгъан эшьялардаки орьнеклернинъ ресимлерини де кочюрип алгъан.
Шусы меракълы ки, бу саада ихтисаслы бир азырлыгъы олмагъан этнограф-авескяр он беш йыл ичинде къырымтатар орьнеклернинъ 1400-ге якъын ресимини топлагъан.
И. Франко кутюпханесинде Александра Петрованынъ фаалиетине багъышланып ачылгъан серги энди бир къач йылдан берли яхшы танылгъан «Къырым услюби» («Крымский стиль») лейхасынынъ бир къысмы сайыла. Лейхада халкъымызнынъ чокъ асырлыкъ тарихы ве медениетине севги ве меракъ беслеген чешит зенаат саиплери, чешит яшта олгъан тюрлю миллетлернинъ векиллери иштирак эте.
Белли ки, лейханынъ кураторы – намлы къырымтатар рессамы ве этнографы Мамут Чурлудыр…
Весиле МЕНУСМАН
«Янъы дюнья» №17 (1607) 7.05.2021
Девамыны «Янъы дюнья»да окъунъыз