Материал «Беслеген айванынъыз ичюн сиз месулиетлисинъиз!» («Вы ответственны за своих животных») посвящен работе ветеренара Решату Куртмалаеву. Материал дан в связи с днем ветеринара.
Даа XVIII асырда Франциянынъ Лион шеэринде айванларны тедавийлемеге огреткен ильк мектеп къырал Людовик XV тарафындан ачылгъан эди. Къырал эпидемия себебинден айванларнынъ эксильгенини корип, оларны тедавийлемек къарарына кельген экен. Бугунь исе ветеринар эким зенааты дюньяда популяр бир зенаат олды. Бугунь тек тувар малларны дегиль, кучюк айванчыкъларны да тедавийлеп, оларгъа къорчалайыджы беслев бериле, керек олса, амелиятлар кечириле. Айванларны севген, оларнынъ сагъламлыгъына лякъайд бакъмагъан ветеринар экимлер арасында бизим семетдешлер де аз дегиллер. Олардан бири — Решат Къуртмалаевдир.
24 яшында олгъан бу эким Багъчасарай районынынъ Къочкъар Эли (Брянское) коюнде яшай ве «Ласкава» адлы хусусий ветеринария клиникасында терапевт-хирург олып чалыша. Биз Решат Къуртмалаевнен якъынджа таныш олып, зенаатынынъ инджеликлери ве бесленген айванларнынъ сагълыгъына дикъкъатлы олмакънынъ не къадар муим олгъаны акъкъында субетлештик.
– Решат бей, не ичюн ветеринар зенаатыны сечтинъиз?
– Айван экими олмакъ — озь башына, бирден кельген къарар дегиль эди. Чюнки аилемизде мен ильк ветеринар эким дегилим. Бабам ве къартбабам да айван экимлеридир. Балалыгъымдан олар айванларны насыл этип тедавийлегенлерини бакъмагъа пек севе эдим ве озюм де буюк авесликнен оларгъа ярдым эте эдим. Олар ходжалыкъ айванларыны тедавийлей эдилер, чюнки эвеллери мышыкъ ве копек киби айванчыкъларнынъ сагълыгъынен мешгъуль олгъанлар аз эди.
Бугунь де университетлерде чокъча кой ходжалыгъы айванларынынъ тедавийленмеси акъкъында бильги берелер, башкъа айванларнынъ тедавийленмесине истенильгени киби эмиет берильмей…
Весиле МЕНУСМАН
Девамы: «Янъы дюнья» №15 (1605) 23.04.2021