В материале ««Эр бир къорантанынъ озь аилевий экими олмакъ керек»» (У каждой семьи должен быть свой семейный врач) рассказывается о семейном враче Гульнаре Асановой, которая делится своими советам по профилактике болезней.

«ЭР БИР КЪОРАНТАНЫНЪ ОЗЬ АИЛЕВИЙ ЭКИМИ ОЛМАКЪ КЕРЕК»

  Адамларнынъ бири-бирлерине энъ чокъ тилеген шейлери недир? Эльбет де, сагълыкъ-селяметлик. Чюнки инсан бу аджайип дюньяны идрак этмеси ичюн, озюни бахтлы ис этип, файдалы олмасы ичюн сагълам олмакъ керектир.

1950 сенеден итибарен апрель 7-де Бутюндюнья сагълыкъ куню къайд этиле, чюнки айны апрель 7-де (1948 сенеси) Бутюндюнья сагълыкъ сакълав тешкиляты тэсис этильген эди. Бугунь бу тешкиляткъа 194 ульке кире.

Бутюндюнья сагълыкъ кунюнде денъишип тургъан икълимнинъ сагълыкъкъа тесири, физикий фаалликнинъ файдасы, шекер хасталыгъынынъ енъильмеси ве бир сыра башкъа муим меселелер узеринде субетлер алып барыла.

Окъуйыджыларымызгъа да сагълыкъ мевзусы меракълы олур деп, энъ сыкъ расткельген хасталыкълар, оларнынъ себеплери ве коронавирус акъкъында аиле экими Гульнара Асанова иле субет эттик.

 — Гульнара апте, тиббий ярдымнынъ дигер шекиллерине бакъкъанда, сизинъдже, аилевий тиббиятнынъ устюнлиги неде?

— Аилевий тиббиятнынъ устюнлиги — бутюн аилени тедавийлемек имкяны олгъанындадыр. Эким аиленинъ насыл шараитлерде яшагъаныны, емеклерде нелерге мейиль бергенини, атта оларнынъ эвинде насыл арарет олгъаныны биле. Аиле экими къоранта азаларынынъ не дереджеде сой къувгъанларыны биле, баланынъ ана-бабасы насыл хасталыкъларны кечиргенинден хабердар ола. Бойлеликнен, тешхис (диагноз) къоюв ве тедавийлев тездже ве къолайджа кече. Къоранталар аиле экимлерине чокъча ишанып, озь проблемлерини чекинмеден анълаталар. 

— Сиз аилевий эким оларакъ насыл хасталыкъларгъа чокъча расткелесинъиз?

— Чешит тюрлю хасталыкълар расткеле. Амма биринджи ерде сувукъланувлар тура. Бу хасталыкъкъа, бильхасса, балачыкълар чокъ огърай. Буюклер арасында юрек-дамар хасталыкълары сыкъ ола. Чюнки, бильхасса, сонъки вакъытларда адамлар аз къыбырдайлар, организмге файдалы олмагъан емеклер, ярым азыр махсулатларны, къанфет ве булочкаларны чокъ ашап башладылар. Булар эписи сагълыкъкъа буюк зарар кетире ве  юрек-дамар хасталыкъларына себеп ола.

Юрек-дамар хасталыкъларындан сонъ онкологик хасталыгъы сыкъ расткеле. Амма онкологик хасталыкълар озюнден озю пейда олмагъаныны бильмек керексинъиз. Рак хасталыгъы орта ерде оппадакътан пейда олмай. Озь вакътында незарет этильмеген хроник хасталыкълар яваш-яваш онкологиягъа чевириле. Рак хасталыгъындан сонъ шекер хасталыгъына огърагъанлар чокъ, дёртюнджи ерде ашкъазан-ичек хасталыкълары тура…

Весиле МЕНУСМАН субетлешти

Девамыны газетамызда окъунъыз

Девамы: «Янъы дюнья» 13 (1603) 9.04.2021

 

Лемар Халилов

От admin

Добавить комментарий