Статья «Гаспринский и роль женщины в обществе» знакомит читателей с деятельностью И. Гаспринского и его журнала «Алем-и Нисван» («Мир женщин»)
Серане КЕНДЖАЛИ
Эдебиятымыз ве медениетимизни дургъунлыкъкъа огъраткъан ве юз йыл девам эткен Къара асырдан сонъ Исмаил Гаспринский ве «Терджиман» газетасы Къырымгъа ве бутюн тюрк дюньясына айдынлыкъ сачып, миллетни уяндырып, халкъны джаиллик иле бильгисизликтен къуртаргъанлар. Айрыджа, Исмаил Гаспринский миллетнинъ инкишафында къадыннынъ ролю гъает буюк олгъаныны ургъулаяракъ, мусульман дюньясындаки къадыннынъ акъ-укъукъларыны, джемиеттеки ерини къорчаламакъ ичюн муим гъаелерни огге сюрип, арекет ве хызметлер япкъандыр. Бу хызметлернинъ нишанеси оларакъ эсерлерининъ къадын мевзуларына багъышламасы эди. Олар арасында «Арслан къыз» икяесини, «Къадынлар улькеси»ни ве махсус къадынлар ичюн чыкъаргъан «Тербие», «Къадын», «Алем-и Нисван» («Къадынлар дюньясы») меджмуаларыны анъмакъ мумкюндир. «Арслан къыз» икяесинде Гаспринский Гуль-Джамал адлы баш къараманны къоркъубильмез ве джесаретли къыз оларакъ косьтерип, къадын-къызлар образларыны усталыкънен тасвир эте.
О девирде къадыннынъ тасиль ве джемиет аятына къошулмасыны исбат эткен энъ муим орьнек, шубесиз, онынъ къызы Шефикъа Гаспринскаядыр.
Гаспринский къадынларнынъ ички дюньясына тесир этеджек, нумюне къадын моделлерини косьтереджек, эр тарафлы бильги береджек, къадын-къызларны раатсызландыргъан суаллерине джевап береджек махсус бир меджмуагъа ихтиядж олгъаныны билерек, 1905 сенеси «Алем-и Нисван» адлы дюньяда ильк тюрк-мусульман къадын меджмуасыны чыкъарып башлай. Неширнинъ баш муаррири къызы Шефикъа Гаспринская ола…
«Янъы дюнья» 10(1600) 19.03.2021
ДЕВАМЫНЫ «ЯНЪЫ ДЮНЬЯ»ДА ОКЪУНЪЫЗ