В своей работе профессор Исмаила Керимова знакомит читателей с неизвестными страницами из жизни великого просветителя Исмаила Гаспринского.
Исмаил Асаногълу КЕРИМ
Улу мутефеккиримиз И. Гаспринский акъкъында сонъ сенелерде бир чокъ макъалелер, китаплар, джыйынтыкълар ве монографиялар чыкъса да, онынъ аяты ве фаалиети темелли суретте огренильди демеге олмаз. Чюнки онынъ 63 йыллыкъ омрю ве 40 йылгъа якъын къалем фаалиети ве дурдурылмаз фааль арекети акъкъында язы ве араштырмаларны бир яхут бир къач китапкъа сыгъдырмакъ ве я бир къач киши тарафындан темелли огренмек кучьтир.
2001 сенеси Анкъарада онынъ 150 йыллыгъына багъышлангъан ильмий конференцияда булундыгъым заман, Гаспринскийнинъ ялынъыз тыш мемлекетлерде япкъан ишлери иле багълы монографик чалышмаларны бильген ве ильмий марузаларны динълеген эдим. Тек Тюркиеде онларджа ильмий хадимлер Гаспринскийнинъ фаалиетине багъышлангъан монографиялар язмакъта, 2001 ве 2011 сенелери Москва ве Къазан, Ташкент, Баку ве Акъмесджитте олып кечкен ильмий конференцияларнынъ материаллары айры джыйынтыкълар шеклинде дюнья юзю корьди ве корьмектелер. Сонъ сенелерде Къазандаки Ш.Марджани адына Тарих институты ярдымынен Къырымда И. Гаспринскийнинъ русча оларакъ чокъ томлукъ эсерлер топламы нешир этильмеге башлап, учь тому энди дюнья юзю корьгендир.
Аджеба, ишбу шахсиет ве онынъ фаалиетине бу къадар меракъ ве сыджакълыкъ неден келип чыкъа, онынъ аяты ве ишлерининъ эр бир адымыны неден огренмекте ве мейдангъа чыкъармакъталар? О инсан ки, кенди аят ве гъает истидатлы ве чокътарафлы иджат теджрибеси иле тюрк ве мусульман дюньясыны къаранлыкътан айдынлыкъкъа чыкъармакънынъ ёлларыны огренди. Бильгилерини теджрибе этип догъру яхут янълыш ёнелишлерни ичтимаий илим ве назариелер иле исбат этти…
«Янъы дюнья» 10(1600) 19.03.2021
ДЕВАМЫНЫ «ЯНЪЫ ДЮНЬЯ»ДА ОКЪУНЪЫЗ