Материал «Их светлые помыслы навсегда останутся в наших сердцах» знакомит читателей с судьбой нашего соотечественника Мустафой Свечки.
Руслан ШИХАБЛАЕВ,
Акъмесджиттеки 1-нджи лицейнинъ 7-нджи сыныф талебеси
Тасиль — омюр анахтарыдыр. Бизим къорантамызнынъ шиары да айны шу сёзлердир. Аилемизде бильги алув, окъув меселелерине эр вакъыт буюк эмиет бериле. Мектепке къатнап башлагъанымнен, анам манъа: «Бильги – тылсымлы бир алемнинъ къапысыдыр», – дей эди. О, бу сёзлерни озь ана-бабасындан, яни меним къартбабам ве битамдан эшиткен. Олар исе бу сёзлерни озь ана-бабаларындан эшиткенлер. Бойлеликнен, мен бу сёзлернинъ тамырлары не къадар терен олгъаныны анъладым.
Бир кунь къарт къартбабам Мустафа Сулейман Свечканынъ такъдиринен меракъланып, онынънен багълы малюматны огрендим, озюм ичюн тамырларымыз акъкъында янъы саифелер ачтым.
Мустафа Сулейман Свечка 1879 сенеси Багъчасарай шеэринде, чыракъ ишлеп чыкъаргъан уфакъ базиргяннынъ чокъ балалы аилесинде догъгъан. Шунынъ ичюн онынъ лагъабы “Свечка” олгъан.
Къарт къартбабам иптидаий мектепни битирип, окъувны девам эттирмек ичюн 1905 сенеси Тюркиеге ёл ала. О вакъытлары Тюркиеде пек чокъ къырмтатар яшлары окъуй экенлер. Олар талебелик девринде багълагъан достлукъларына бутюн омюр садыкъ къалгъанлар. Бугунь энди архивден алынгъан весикъаларгъа коре, Мустафа Свечканынъ о девирдеки аркъадашларынынъ адларыны да бильмек мумкюн. Булар: Джафер Сейдамет, Якъуб Кемал, Мамут Недим, Ибраим Тарпи, Асан Сабри Айвазов, Усеин Боданинский ве дигерлери…
«Янъы дюнья» №9 (1599) 12.03.2021
ДЕВАМЫНЫ «ЯНЪЫ ДЮНЬЯ»ДА ОКЪУНЪЫЗ