Материал «Ватанны барельеф вастасынен танытмагъа чалышкъан уста» («Мастерица рассказывает о Крыме с помощью барельефа») знакомит читателей с творчеством молодой мастерицы Эфтаде Сейтумеровой.
Весиле МЕНУСМАН
Газетамызнынъ бугуньки санында сизни барельеф устасы Эфтаде Сейтумерова иле таныш этмеге истеймиз. Чокъ асырлыкъ тарихы олгъан бу санат чешитинен мешгъуль олгъан иджатчылар Къырымда чокъ дегиллер, амма оларнынъ эсерлери тек къырымлыларны дегиль, дигер улькелерде яшагъан адамларны да айретте къалдыргъаны шубесиздир.
Барельеф франсыз тилинден «алчакъ рельеф» деп терджиме этиле. О, эйкельтырашлыкъта къабарыкъ рельефнинъ бир чешити олып келе. Барельефтеки тасвир тюзлюктен бираз къабарыкъ алда чыкъып турса, энди скульптур къабарыкъ рельефнинъ «горельеф» чешити оладжакътыр.
Археологлар тапкъан энъ къадимий барельефлер бундан он бир бинъ йыл эвельки заманларгъа аиттир. Бир чокъ рельеф ресимлери Тюркиеде Гёбекли-Тёпе ибадетхане комплексинде япылгъан къазувларда тапылгъан. Бундан гъайры Бабиль (Вавилон), Аджем (Персия) ве Асур чарлыгъында (Ассирийское царство) барельефлер ибадетхане ве падишаларнынъ сарайларыны яраштыргъан. Айтмакъ керек ки, антик девирнинъ бир талай барельеф эсерлери де бугуньгедже сакъланып къалгъан. Бир сыра барельеф эсерлерини Хиндистанда ве Асиянынъ дженюп-шаркъында расткетирмек мумкюн.
Бугуньде интерьерни безетювде барельеф популяр бир услюп сайыла. Усталар земаневий мадделерни къулланып, гузельден-гузель эсерлерни япалар…
«Янъы дюнья», 8(1598) 5.03.2021
ДЕВАМЫНЫ «ЯНЪЫ ДЮНЬЯ»ДА ОКЪУНЪЫЗ