Материал «Наша музыка была высоко оценена в Дании» знакомит читателей с подробностями конкурса в Дании, где крымские скрипачи завоевали первые места.
Весиле МЕНУСМАН
Музыка санатынен мешгъуль олгъан чокъусы истидатлы семетдешлеримиз къырымтатар музыкасы тек Ватанымызда дегиль де, дигер улькелерде де янъгъырагъаныны арзу эте. Якъында бу арзуны Февзи Якъубов адына Къырым муэндислик-педагогика университетинде музыка-чалгъы алетлери санаты кафедрасынынъ доценти, Къырым Джумхуриетинде нам къазангъан тасиль хадими, Къырым Джумхуриети девлет премиясынынъ лауреаты, «Сельсебиль» ансамблининъ ребери ве солисти, кеманеджи Зарема Алиева ве онынъ студентлери керчеклештирдилер. Оларнынъ истидатына ве айны вакъытта миллий музыкамызгъа Данияда кечирильген санат, музыка, йыр, оюн ве фольклор боюнджа «COPENHAGEN STARS – 2021» («Копенгаген йылдызлары – 2021») фестиваль-ярышында юксек къыймет кесильди.
Белли ки, пандемия себебинден чокъусы ярыш ве фестиваллер интернет-платформаларда отькериле, бу фестиваль де истисна олмады. «COPENHAGEN STARS 2021» халкъара ярышынынъ тэсисчилери бутюн дюньядан меракълы ве истидатлы иджраджыларны янъы интернет-платформада топлап, оларгъа юрт тышына чыкъмадан озь иджадий енъишлери ве медений аньанелерини халкъара севиеде косьтермеге имкян яраттылар.
Бутюн видеочыкъышларгъа халкъара жюри эйети тарафындан къыймет кесильди. Жюри азалары арасында эм Дания Къыраллыгъындан, эм дигер мемлекетлерде танылгъан медениет ве санат эрбаплары бар эди…
«Янъы дюнья», 8(1598) 5.03.2021
ДЕВАМЫНЫ «ЯНЪЫ ДЮНЬЯ»ДА ОКЪУНЪЫЗ