Материал «Гимнастка Мавиле Умерова – кандидат в мастера спорта» знакомит читателей со скрипачкой, участницей ансамбля «Сельсебиль», преподавателем музыки Фатмой Люмановой.
Наиле РЕШИТОВА субетлешти
Эр бир чалгъы алети озюне коре дюльбер, меракълы ве аджайиптир. Лякин энъ зариф, энъ назик алетлерден бири кеманедир. Кемане сеслери гонълюмизни сарып ала, эеджанландырыджы нагъмелер исе санки вакъытны токътата, тюшюнджеге далдыра. Бугуньки къараманымыз Фатма Люманова кемане алетининъ инджеликлерини пек яхшы биле. Фатма ханым «Сельсебиль» ансамблининъ иштиракчиси олып, студентлер оркестринде де чала ве, айны вакъытта, Зуя къасабасынынъ С. Сеитвелиев адына къырымтатар мектебинде дерс бере. О озь истидаты саесинде бир чокъ фестиваллерде иштирак этти, дюньянынъ бир чокъ саналарында чыкъышта булунды.
– Фатма ханым, музыканен не вакъыттан берли огърашасынъыз? Даа насыл чалгъы алетлери чала билесинъиз?
– Музыка 6 яшымдан берли аятымнынъ айырылмаз бир парчасыдыр. Ильк эвеля Багъчасарай районынынъ Базарчыкъ (Почтовое) коюндеки бала музыка мектебинде тасиль алдым. Энди 17 йылдыр омрюм кеманенен багълыдыр. Эсас алетим кемане олгъавнына бакъмадан кеманче ве фортепиано да чалам. Балалыкътан йырламагъа да севем.
– Не ерде окъудынъыз? «Сельсебиль» ансамблинде не вакъыт чалмагъа башладынъыз? Оджаларынъыз ким эди?
– Мектепни битирген сонъ 2015 сенеси КъМПУнинъ музыкалы-инструменталь санат кафедрасына кирдим ве мында «Сельсебиль» ансамблининъ ребери Зарема Алиева иле таныштым. Шимди мен магистратуранынъ 2-нджи курс студенти олам. Зарема ханым киби уста санатчы саесинде буюк санагъа чыкътым. Биз Къырымдан гъайры, Русие, Украина, Алмания ве Тюркиенинъ чешит ерлерини, Вена, Прага, Париж киби шеэрлерни зиярет эттик, чыкъышта булундыкъ. Зарема ханым иджадий реберим, устазым ола, о меним ичюн бир нумюнедир…
ДЕВАМЫНЫ «ЯНЪЫ ДЮНЬЯ»ДА ОКЪУНЪЫЗ
«Янъы дюнья», 4(1594), 5.02.2021