«Тильде, фикирде, иште бирлик!» ярышы
Информация о конкурсе «Тильде, фикирде, иште бирлик!»(«Единство в языке, мыслях и делах») посвященного 170-летию Исмаила Гаспринского. Конкурс проводится ГАУ РК «Медиацентр им. И. Гаспринского» при поддержке Государственного комитета по делам межнациональных отношений Республики Крым.
Исмаил Гаспринский адына медиамеркез Миллетлерара мунасебетлер ишлери боюнджа девлет комитетининъ къолтутувынен «Тильде, фикирде, иште бирлик!» балалар иджадияты ярышыны отькере. Улу маарифчи ве мутефеккир Исмаил Гаспринскийнинъ 170 йыллыгъы мунасебетинен илян этильген иджадий ярышкъа ана-юрт, тувгъан тиль, Ватангъа севги киби мевзуларгъа багъышлангъан ресимлер, шиирлер, икяечиклер (тиллер: рус, къырымтатар) къабул олуна. Ярыш балалар арасында шу яш категориялары боюнджа отькериле.
– 7 яшынадже
– 8 яшындан 12 яшынадже
– 13 яшындан 17 яшкъадже.
Ишлер мустакъиль суретте (ана-баба ве оджаларнынъ ярдымы олмадан) япылмалы, иштирак эткен бала ишнен берабер озь ады, сойады ве баба адыны, адресини, яшыны, ана-бабасынынъ адыны ве телефон номерини язып ёлламалы. Жюри энъ яхшы ишлерни бельгилеген сонъ, олар “Янъы дюнья” ве “Мераба” газеталарында басыладжакъ, муэллифлер дипломларнен такъдирленеджек. Ишлер февраль 1-ден март 12-ге къадар шу адрес боюнджа къабул этиледжек: mediacenter2015@mail.ru я да Акъмесджит ш., Трубаченко сокъ., 23, 2-нджи къат. Мукяфатлар март 19-да такъдим этиледжек (Эпидимиологик вазиетке коре, мукяфатларны такъдим этюв мерасимининъ вакъты денъиштириле биле).
ДЕВАМЫНЫ «ЯНЪЫ ДЮНЬЯ»ДА ОКЪУНЪЫЗ
«Янъы дюнья», №3(1593), 29.01.2021