Материал «Гимнастикаджы Мавиле Умерова – спорт усталыгъына намзет» («Гимнастка Мавиле Умерова – кандидат в мастера спорта») знакомит читателей с юной гимнасткой Мавиле, которая с успехов выступает на спортивных площадках и добивается успехов.
Наиле РЕШИТОВА
Мавиле Умерова энди докъуз йылдан берли бедиий гимнастиканен огъраша. Онъа балалыкътан берли Акъмесджитнинъ Пионерлер эвинде Елена Михайловна Малютенко тренерлик япа. Мавиле дёрт яшында олгъанда анасы оны гимнастикагъа кетирди. Къызчыкъ гимнастиканы огренип, чешит ярышларларда иштирак этерек, Москва, Санкт-Петербург, Ковров, Озёры, Тула, Краснодар, Анапа, Ростов-Дон, Сочи киби шеэрлерни зиярет этти. Москва шеэринде олгъан энъ нуфузлы ярышны о яхшы хатырлай. «2017 сенеси Русиенинъ пайтахтында кечирильген конкурста мен 75 иштиракчиден учюнджи ерни къазандым. Ракъиплерим кучьлю эди, ярышлар да къолай олмады», – дей Мавиле.
2020 сенеси декабрь айында исе Кефе шеэринде кечирильген «Беяз мелеклер» адлы ярышта яш къызчыкъ турнирнинъ энъ яхшы гимнасткасы унванына наиль олды.
«Бундан сонъ эвге кельгенде мени даа буюк сюрприз беклей эди – мегер мен спорт усталыгъына намзет олдым. 13 яшында бу киби унванны къазанмакъ меним ичюн буюк бир шерефтир», – деп къайд эте спортчы.
Мавиленинъ секиз яшлы къардашы Сафие де энди беш йыл девамында гимнастика иле огъраша ве, татасы киби, бу саада мувафакъиетлер къазанмакъта.
Мавиле Умерова бунынънен берабер «Несиль» къырымтатар оюн ансамблинде ойнай. Оджасы Эрнест Пртыхов онынънен пек гъурурлана…
ДЕВАМЫНЫ «ЯНЪЫ ДЮНЬЯ»ДА ОКЪУНЪЫЗ
«Янъы дюнья», 2(1592), 22.01.2021