В материале освещается интервью с тренером Абкеримом Юнусовым, рассказывается о его бойцовском клубе, успехах на чемпионатах.
Наиле РЕШИТОВА
Абкерим Юнусов спортчы оладжагъыны балалыкътан биле эди. О, секиз яшында олгъанда бабасы Сейтибрагим Юнусов озь балаларыны куреш секциясына яздыргъан.
«Меним бабам дзюдоджы эди. Олимпиадагъа бармакъ керек эди, лякин барып оламады. Бабам балалыкътан мени ве агъаларымны спорткъа алыштыра эди. Атта тышарыда сувукъ олгъанда, спортзалгъа барып етмек къыйын огъанда, бабам бизни аякъмашина иле спортзалгъа къадар алып кетире эди. Агъаларым шимди Санкт-Петербургда яшайлар, амма спортны ташламадылар, даима спортнен огърашалар. Уйкен агъам дюнья вице-чемпионы сайыла, къыз къардашым Зера Юнусова да артта къалмай, карате боюнджа Русие чемпионы олды ве спорт устасы нормативини беджерди», – дей Абкерим бей.
Абкерим Юнусовнынъ да гъалебелери аз дегиль. О, Къырымда кечирильген бир чокъ турнирлернинъ гъалибидир. 2003 сенеси Русие Кубогы чемпионатында киокушинкай карате боюнджа баш мукяфаткъа наиль олды. 2007 сенеси исе сербест куреште спорт устасы олды ве Украинада чемпион унваныны къазанды.
Абкерим бей Запорожье университетининъ беден тербиеси факультетинде окъуды. 2012 сенеси ушу-саньда спорт чешити боюнджа Русие призёры олды. Сонъра оны къарышыкъ уруш санаты (MMA) озюне джельп этти. 2014 сенеси Абкерим Юнусов нуфузлы “Александр Невский” клубы адындан урушларда иштирак этмеге башлады. MMAда Абкерим бей секиз урушкъа къатылды, олардан алтысы онынъ гъалебесинен екюнленди.
«ММАда фаалиетимини битирип, тренерлик япмагъа башладым. Теджрибемнен пайлашып, спорткъа севгимни балаларгъа ашламагъа истедим. Шегиртлерим де энди чешит чемпионатларда иштирак этелер», – дей спортчы…
ДЕВАМЫНЫ «ЯНЪЫ ДЮНЬЯ»ДА ОКЪУНЪЫЗ
«Янъы дюнья» №50(1588) 18.12.2020