Материал посвящен творчеству молодой художницы Лейле Аметовой, которая увлекается ещё и индийскими танцами.
Сайде СЕИТДЖЕЛИЛ субетлешти
Миллетимиз истидатлы инсанларнен зенгиндир. Тасвирий санат усталарымызнен таныш олмагъа девам этемиз. Иджаткяр ватандашларымыздан бири – озьгюн, истидатлы рессам, иллюстратор, инд оюнлары оджасы Лейла ханым Аметова иле зенаат сырлары ве оюнгъа авеслиги акъкъында субет эттик.
– Балалыкъ чагъынъыз насыл кечти?
– Мен адий бир инсан олып, базыда озюме худжур олып корюнем. Бу да ички дюньямнен багълыдыр. Буюк ишлер, аятнен багълы чешит тюрлю сценарийлерни базыда танышларым да динълемеге меджбур олалар. Мен адий къырымтатар къорантасынданым, 1990-нджы сенелери къолай олмады -кочюв, къуруджылыкъ… Бильмем насыл, лякин анам бизни, мени ве къыз къардашымны, осьтюрип, окъутып, яхшы тербие берип олды. Балалыгъым гъамсыз олмады, лякин чокъ шейни огретти ве яшайыш насыл олгъаныны косьтерди. Не де олса, балалыгъым бахтлы эди.
Балалыкъта детектив сериалларыны бакъкъанымдандыр такъикъатчы (следователь) олмакъны арзу эте эдим. Лякин меним иджадий гонълюм озь ниетине къавушкъанына къуванам. Мектепте кечирильген бутюн байрамларгъа багъышлангъан плакатларны бояламакъны манъа сымарлай эдилер.
– Рессам олмакъ истегинъиз насыл, не вакъыт пейда олды? Не ерде огрендинъиз?
– Рессам олмакъ истегенимни анълап, 11-нджи сыныфта мерагъыма коре зенаат саиби олмакъ къарарына кельдим. Айны вакъытта, мусавийлемелер (уравнение) чезмеге бегенерек, программист олмакъ ичюн физика-риязият болюгине кирмек керек эдим. Бундан да гъайры, эдебияткъа севгим буюк: инша, шиирлер язып, оларгъа, телеяйынларгъа аит ресимлер япмагъа севе эдим. Абитуриентлер ичюн физика курсларына къатнагъанымда университетнинъ буюк аудиториясында отурып, бу ёнелиш манъа келишмегенини анъладым! Шу вакъыт санат факультетине давет эткенлерини эшитип, бирден ёнелишимни денъиштирдим, КъМПУнинъ амелий-манзаралы санат болюгине весикъаларымны бердим…
ДЕВАМЫНЫ «ЯНЪЫ ДЮНЬЯ»ДА ОКЪУНЪЫЗ
«Янъы дюнья» №50(1588) 18.12.2020