Материал посвящен газете «Янъы дюнья» и подписной кампании на 2021 год.
Айдер ЭМИРОВ
Макъаленинъ биринджи къысмында «Янъы дюнья»гъа абуне олмагъа истемеген базы юртдашларымызнынъ озь давранышларыны акъламакъ макъсадынен текрарлап тургъан: «Мен газетаны киоскларда сатын алам…», «Мен газетаны интернетте окъуйым…», «Газетанынъ тили ана-бабамдан огренген тильден баягъы фаркълы…» киби делиллери эксериетте ерсиз олгъаныны косьтерип кечкен эдик.
Бу сефер исе юкъарыда анъылгъанларгъа нисбетен даа да сыкъ ортагъа сюрюльген бир делиль узеринде тафсилятлыджа токъталмакъ истейим.
«Газета умумен меракълы дегиль…»
Узакъ 1958 сенеси белли совет шаири, несирджи ве терджиман Борис Пастерак дюнья боюнджа олдукъча шерефли сайылгъан Нобель мукяфаты иле такъдирленген эди. Советлер Бирлинининъ о заманки реберлиги Нобель комитетининъ бу къарарыны пек серт къаршылады. Мемлекетнинъ бир чокъ шеэр ве къасабаларында, завод, фабрика, колхоз, совхоз ве даа бир талай муэссисе ве тешкилятларында топлашувлар тешкиль этилип, заваллы языджы кескин тенкъидге огъратылгъан эди. О, совет къурумынынъ душманы, деп илян эттильген ве атта оны махкемеге чекип, апсханеге атмакъ я да мемлекеттен къувмакъ кереклиги акъкъында теклифлер янъгъырагъан эди. Мына бойле топлашувларынынъ биринде сёзге чыкъкъан бир затнынъ: «Мен Пастернакнынъ эсерлерини окъумасам да, оларны укюм этем…» деген кулюнчли ибареси тиллерде дестан олып къалгъан эди.
Мен эм аджыныкълы, эм де кулюнчли олып корюнген бу адисени хатырлагъанымнынъ себеби шу ки, бизим базы семетдешлеримиз «Янъы дюнья»ны йыллар боюнджа къолларына алмадан: «Газета меракълы дегиль…», – деп укюм кеселер.
Айткъанымны тасдикъламакъ ичюн «Янъы дюнья»нынъ факъат агъымдаки йылда дюнья юзю корьген бир къач нусхасыны къолгъа алып саифелемек етерли олур, деп тюшюнем…
ДЕВАМЫНЫ «ЯНЪЫ ДЮНЬЯ»ДА ОКЪУНЪЫЗ
«Янъы дюнья» №49(1587) 11.12.2020