В статье доктор филологических наук, профессор Исмаил Керимов рассказывает о важности изданий на родном языке в нынешнее время.
Сейран СУЛЕЙМАН
Сонъки вакъытта «басма неширлернинъ деври артыкъ кечти», «интернет бар, даа не керек?» деген сёзлерни сыкъ-сыкъ эшитем. Атта белли журналист Леонид Парфёнов якъында: «Интернет бар экен, газета ве меджмуаларгъа ихтиядж къалмай», – деп ургъулады. Керчектен айтсам, бойле лафлардан сонъ матбуатымызнынъ, тилимизнинъ келеджеги насыл олур экен, деп теляшкъа тюшесинъ. Келинъиз, сёзни миллий неширлеримизнинъ тарихыны теренден огренген филология илимлери докторы, профессор Исмаил Керимовгъа берейик. О бу акъта не дер экен…
– Исмаил оджа, шимди абуне кампаниясынынъ къызгъын вакътыдыр. Шахсен сиз, адетте, анги неширлерге абуне оласынъыз ве не ичюн?
– Мен Къырымгъа 1993 сенеси кельгенимден берли къырымтатарджа чыкъарылгъан эм де къырымтатарлар тарафындан нешир этильген дигер куньделик матбуатнынъ джумлесине эр йыл язылам, эпсининъ эр бир номерини топлайым ве махсус шараиетлерде сакъламагъа огърашам. Эм эскиде, эм бугуньде озь тилимизде ве миллетимизнен багълы русча чыкъкъан матбуатнынъ эпси бизим ичюн пек къыйметли ве онемлидир. Чюнки миллетимиз ярым асыр девамында сюргюнликте булундыгъы заман, кенди тарихы, эдебияты, тили ве медениети джеэтинден буюк джоюкъларгъа огърагъан эди. Бугуньде газета ве журналларымызда басылгъан миллий медениетимиз ве тарихымыз иле багълы чешитли материаллар, къартларымызнынъ хатыралары, чешит меракълы хаберлер ве олайларнынъ айдынлатылмасы халкъымызнынъ Къырымдаки тамырларыны къавийлештирмек ве теренлештирмек ичюн чокъ эмиетли вастадыр. Бугуньде халкъымызнынъ миллий анъыны ишлеген, онъа кучьлю тесир эткен шейлер де неширлеримизден чыкъмакъта. Девлетчилигимиз олмадыгъы такъдирде, газеталарымыз бугуньде адден-тыш роль ойнамакътадыр.
Шунынъ ичюн газеталарымыз бугунь яшай ве, эминим ки, даа чокъ вакъытлар яшайджакътыр. Эм ялынъыз бизде дегиль, бутюн цивилизацион дюньяда яшамакътадыр.…
ДЕВАМЫНЫ «ЯНЪЫ ДЮНЬЯ»ДА ОКЪУНЪЫЗ
«Янъы дюнья» №47(1585) 27.11.2020