Материал «Иджадий ярышнынъ нетиджелери» («Результаты творческого конкурса») посвящен итогу детского конкурса творческих работ в газете «Янъы дюнья».
Муарририет
Севимли балалар! Газетамызда бу йылнынъ январь айында илян этильген иджадий ярышкъа екюн чектик. «Энъ яхшы шиир», «Энъ яхшы икяечик» ве «Энъ яхшы ресим» номинацияларында кечирильген ярышкъа энъ чокъ ресимлер кельди. Шиирлер ве икяечиклер, языкъ ки, деерлик олмады. Шунынъ ичюн бу йыл тек ресимлер номинациясында гъалип чыкъкъанлар бельгиленди. Нетиджеде:
1-нджи ерге – Акъмесджит дживарындаки Курцы коюнде яшагъан тата-къардаш Эльмаз ве Эмир Османовлар (Олар шеэрининъ 28-нджи мектебинде окъуйлар. Олар ресимлерни берабер япкъанлары ичюн, мукяфатны озьара пайлашаджакълар),
2-нджи ерге – Мерьем Ищенко (Акъмесджит академик мектебининъ талебеси) ве
3-нджи ерге – Эмилия Османова (Джанкой районы Яркое поле мектебининъ талебеси) наиль олдылар. Гъалиплерни (ана я да бабаларыны) редакциямызнен багъланмакъны риджа этемиз: +79788623869.
Балалар, келеджек сене ярышымыз кене девам этеджек. 2021 сенеси сиз эр бир номинацияда даа да фааль иштирак этеджексинъиз, деп умют этемиз.
Достлар, газетамызгъа абуне олунъыз!
ДЕВАМЫНЫ «ЯНЪЫ ДЮНЬЯ»ДА ОКЪУНЪЫЗ
Газета «Янъы дюнья» (№46(1584), 20.11.2020)