Материал «Кимлигимизни къайд эткен миллий унсурлар» («Наицональные элементы, подчёркивающие нашу уникальность») посвящен народному умельцу, мастеру прикладного искусства Исляму Идрисову и его работам.
Сайде СЕИТДЖЕЛИЛ
Шубесиз чешит тюрлю аксессуарлар земаневий инсаннынъ урба-кийимине къошма дюльберлик, къошма мана бере. Шунынъ ичюн урба дизайнерлери озь моделлерини шойде унсурларнен текмиллемеге тырышалар. Сёз келими, бизим адамлар арасында да миллетимизни, кимлигимизни къайд этиджи нагъышлар, темсиллернен сюслендирильген
джюздан, чанта, къушакъ, къаплар киби аксессуарларны авесликнен къуллангъанлар аз дегиль. Эльбет, озьгюн, текрарланмаз аксессуар япмакъ къолай дегиль, бунынъ ичюн муайен бильгилер саиби олмакъ, белли теджрибеге малик олмакъ керек, бундан гъайры оны япмакъ ичюн файдаланылгъан мальземелер де муим роль ойнай. Иште, биз «Teri – Leather» къайыш аксессуарлар ательесининъ эсасчысы, уста Ислям Идрисовнен корюшип, онынъ унери акъкъында субетлештик.
– Ислям агъа, къайышнен чалышмакъ фикри насыл пейда олды?
– Къайыш материалынен мен 6 йылдан берли чалышам. Бу унерни ичтимаий агъдан мустакъиль огренип башладым. Корьген ильк шейим бир устанынъ ичтимаий агъда берген дерси эди. О дерсте уста къайыштан паспорт къапы япмакъны огреткен эди. Дерсни бегендим, пек де къыйын дегиль, гъалиба, деп тюшюндим. Шундан итибарен бу унернен терендже меракъланмагъа башладым. Кейфиетли къайыш къыдырып, аксессуарларны япув усулларыны огрендим. О вакъыт озь устаханем даа ёкъ эди…
ДЕВАМЫНЫ «ЯНЪЫ ДЮНЬЯ»ДА ОКЪУНЪЫЗ
Газета «Янъы дюнья» (№45(1583), 13.11.2020)