Материал ««Къырым» ансамбли. О насыл тешкиль олунгъан эди» («Ансамбль «Къырым». Как он создавался) посвящен 30-летию деятельности фольклорного ансамбля «Къырым». О создании ансамбля рассказывает её основатель Исмет Заатов.
Сайде СЕИТДЖЕЛИЛ субетлешти
«Къырым» деген азиз аднен танылгъан къырымтатар фольклор ансамбли озюнинъ бутюн фаалиети иле халкънинъ нидже асырлыкъ медений асабалыгъыны сакълап къалув ве инкишаф эттирюв киби алидженап ишке хызмет этип кельмекте. Миллий музыкаль, вокаль ве хореографик санатны янъыдан джанландырув ве инкишаф эттирюв, оны популярлаштырув, янъы несиллерге юксек дуйгъулар багъышлав гъаесинен ашлангъан коллективнинъ мейдангъа кетирильгенине бу йыл октябрьнинъ сонъунда 30 йыл олды.
«Къырым» ансамблининъ репертуары башланыштан зенгин ве чешитли олып кельди. Кечкен йыллар ичинде нидже-нидже чыкъышлар, ренкеренк программалар яратылгъандыр! Меселя, халкъымызнынъ йыр ве оюнларына, эфсане ве риваетлерине, чешит аньане ве эстетик идеалларына эсаслангъан «Агъыр ава ве къайтарма», «Тым-тым», «Явлукъ», «Чобан», «Дюгюн», «Куреш» киби вокаль-хореографик композициялар мейдангъа кельгендир…
Бутюн бу йыллар девамында коллектив къырымтатар халкъынынъ къыйметли музыкалы мирасыны адым-адым топлай ве оны айбетлеп къоруй. Ансамбльнинъ оркестринде халкъ музыкасынынъ текрарланмаз колорит ве гузеллигини акс эттирген эски миллий музыка алетлеринден чубукълы давул, дюдюк, уд, зурна, къавал, нэй, даре, сазнынъ хош сеслерини эшитмек мумкюн. «Къырым» ансамблининъ репертуарында атта ки пек иляхийлер профессиональ севиеде такъдим этильгендир.
Юбилей мунасебетинен биз «Къырым» ансамблининъ дюньягъа кельмесине себепчи олгъан ве шу гъаени керчеклештирмек ичюн чалышкъан тешкилятчыларнынъ бири – Исмет Заатовнен корюшип, ансамбльнинъ мейдангъа кельмесинен багълы озь хатырлавларынен пайлашмасыны риджа эттик…
ДЕВАМЫНЫ «ЯНЪЫ ДЮНЬЯ»ДА ОКЪУНЪЫЗ
Газета «Янъы дюнья» (№44(1582), 6.11.2020)