Материал «Аятынъызда юзь берген эр бир адиседен миннетдар олмагъа огренинъиз»» («Умейте благодарить жизнь за всё») даются советы психолога Зеры Бекировой.
Весиле МЕНУСМАН
Акъярда яшагъан семетдешимиз – психолог Зера Бекирова озь бильгилерин даима зихниетимизге (менталитетимизге) уйгъунлаштырмагъа тырышкъан мутехассыстыр. Яни башкъаджа этип айтсакъ, о, эр бир мевзуда халкъымызнынъ насыл даврангъаныны ве арекет эткенини огрене.
Зера Бекирова 1974 сенеси Къырымда дюньягъа кельген. Онынъ ана-бабасы Къырымгъа ильк кельгенлерден бири олгъан.
– Анам ве бабам та 1967 сенеси Къырымгъа кочип, мында бири-биринен танышкъан, бири-бирине гонъюль берген ве аиле къургъанлар. Олар халкъымыз Къырымгъа къайтмасыны чокъ йыл бекледилер. Биз къорантамызда даима миллий урф-адетлеримизни ве аньанелеримизни куте эдик, – дей психолог.
Зера ханым эмджеси шаир Рефат Чайлакъ ве Улу Ватан дженкинде къан тёккен къартбабасы Исмаил Чайлакъ акъкъында буюк гъурурнен айта.
О, ильк тасили боюнджа къырымтатар тили ве эдебияты оджасыдыр. 1996 сенеси Таврия миллий университетининъ къырымтатар тили ве эдебияты факультетини битирген.
– О вакъыт тек бир истегим бар эди – тувгъан тилимни терендже бильмеге истедим. Шунынъ ичюн башкъа зенаат акъкъында ич де тюшюнмедим, – дей о. Зера ханым мектепте учь йыл оджалыкъ эткен сонъ эки йыл девамында Къырым муэндислик-педагогика университетинде лаборант оларакъ чалышкъан.
2001 сенеси Зера ханым Акъяр шеэрине коче ве 2009 сенеси Акъяр девлет гуманитар университетининъ психология факультетине окъумагъа кире. Иште, о вакъыттан башлап психологик консультациялар берип башлай…
ДЕВАМЫНЫ «ЯНЪЫ ДЮНЬЯ»ДА ОКЪУНЪЫЗ
Газета «Янъы дюнья» (№44(1582), 6.11.2020)