Материал «Мот ве земаневий «Qaftan» («Модный и современный «Qaftan») представляет собой интервью с молодым дизайнером Адиле Акиевой.
Сайде СЕИТДЖЕЛИЛ субетлешти
Мот ве земаневий кийим шимдики вакъытта инсангъа эминлик багъышлай, онынъ ким олгъаныны, я да ким олмакъ истегенини косьтере. Шукюрлер олсун, бизим адамларнынъ куньделик аятта къырымтатар олгъанларыны косьтереджек урба такъымлары, миллийлигимизни мот этеджек урба коллекциялары пей олмакъта.
Иште, Адиле Акиеваны янъы «Qaftan» адлы ильк урба коллекциясынен джан-юректен хайырлап, онъа арды гурь олсун, деймиз! Кеченде биз урба дизайнерининъ янъы коллекциясы ве иш сырлары акъкъында субетлештик.
– Адиле ханым, миллий урба дизайнинен мешгъуль олмакъ фикри насыл пейда олды? Ишни неден башладынъыз?
– Мен чокътан берли къырымтатар миллий кийимлеримизнен меракъланам. Эски фоторесимлерни дикъкъатнен талиль этем, олардаки урбаларнынъ деталлеринден гъайры, образларны огренмеге севем. Бизим миллий урбаларымыз пек уникаль олгъаныны анълап, эр сефер айретленем! Шундан себеп, биз «Хазине» тюкянымызда тойлыкъ келин антерлерини тикмеге башлагъан эдик. Эльбет де, ишимиз янълышсыз олмады. Хата япа-япа, эр янъы бирикмемизни аньаневий фасон, бичимге якъынлаштырмагъа тырыштыкъ.
Той фоторесимлеринден ильхам алып, эр кес алышкъан келиннинъ тойлыкъ тышкъы къыяфетине янъылыкъ къошмакъ мумкюн экенми, деп меракъландым. Беджерип олдыкъмы-ёкъмы – сизге авале. Тойлыкъ кийимлеримиз ичюн бизим бичимимизни, ойма ве йипишли ильванларымызны, къолнен тикильген деталлер, орьме пуськюллерни темель оларакъ алмакъ истегимиз буюк эди. Буларнынъ эписини бизим усталарымыз эски орьнеклерге коре чебер къолларынен япкъанлары энъ эсасы эди. Шуны да къайд этмели ки, бирден бам-башкъа фасонгъа кечмек къыйын олур диерек, «Qaftan» коллекциямыздаки урба такъымларнынъ бичимлери де – стилизациялаштырылгъан аньаневий бичимлердир…
ДЕВАМЫНЫ «ЯНЪЫ ДЮНЬЯ»ДА ОКЪУНЪЫЗ
«Янъы дюнья» №43(1581) 30.10.2020