Башкъалар да сизден ибрет алсынлар!

Материал «Башкъалар да сизден ибрет алсынлар!» («Пусть берут все с вас пример!») посвящен почтальону Сайле Решитовой, которая ведёт активную работу по привлечению подписчиков на издания выходящие на родном языке.

 

Назифе АБИБУЛЛАЕВА

– Эр афтанынынъ мубарек джума кунюнде, адет узьре, къоранталар мени сабырсызлыкънен беклейлер. Шу куню абунеджилерим айткъаны киби, оларнынъ эвинде эки нешэли вакъиа ола экен. Биринджиси – джума намазы олса, экинджиси – айны джума куню умуммиллий къырымтатар неширлери абунеджилерге келип чыкъа, –  дей почтаджымыз Сайле Решитова.

О, Къарасувбазар шеэри дживарындаки Султан Сарай (Кизиловка) коюнде яшай. Къарачёльде исе почтаджылыкъ япа, газета ве журналларны абунеджилерге еткизе. Онынънен Къырымдаки аяты акъкъында субетлешкенимизде, сюргюнликте Озьбекистаннынъ Наманганында яшагъаныны, Къырымгъа къайткъан сонъ башта Джурчы (Первомай) районынынъ Сарыбаш коюнде ерлешкенини бильдим. Султан Сарайгъа исе келин олып тюшкенини бильдим.

– Эвимизде орта ёлакъ шивесинде лаф этемиз. Та Озьбекистанда экенде ана-бабам «Ленин байрагъы»на языла эдилер, шимди биз, оларнынъ эвлятлары «Янъы дюнья» газетамызгъа абуне оламыз. Бизим къорантамызда газетагъа язылмакъ аньане олып къалды, – дей Сайле Решитова.

Сайле Решитова абунеджининъ къолуна газетаны туттырыр экен, мытлакъа: «Риджа этем, «Янъы дюнья» газетамызгъа абуне олмакъны унутманъыз. Эм тек оны дегиль, башкъаларыны да дикъкъаттан четте къалдырманъыз. Миллий неширлеримизге мумкюн олгъаны къадар къолтутайыкъ, бирликли олайыкъ, ана тилимизни унутмайыкъ!», – деп хатырлата…

«Янъы дюнья» №41(1579) 16.10.2020

ДЕВАМЫНЫ «ЯНЪЫ ДЮНЬЯ»ДА ОКЪУНЪЫЗ

Добавить комментарий

Ваш адрес email не будет опубликован. Обязательные поля помечены *