Статья «Миллий матбуатнынъ инкишафына буюк хызметлери синъген алим» («Учёный, внесший большой вклад в развитие национальной прессы») посвящена профессору, доктору филологических наук Исмаиле Керимову. Материал даётся в связи с юбилеем ученого.
Эрвин БЕКИРОВ
Эр бир топлумда омюрнинъ озю ойле шахсларны мейдангъа кетире ки, олар озь ишлери, арекетлери, фаалиетлеринен шу топлум азаларыны кендини идрак этмеге, биз киммиз, къайдан келип чыкътыкъ, не эдик ве не оладжакъмыз, деген суаллерге джевап къыдырмагъа меджбур этелер. Башкъаджа этип айткъанда, озь семетдешлерининъ анъына, шуурына биваста тесир этерек, ахырки нетиджеде шу топлумнынъ инкишаф этмесини теминлейлер. Эм бойле шахсларнынъ насыл меслекке менсюп олгъанлары эксериетте муим дегиль: олар сиясетчи я да фельсефеджи, алим я да языджы ола билелер…
Бугуньде-бугунь миллий илимимиз ичюн сонъ дередже эмиетли олгъан араштырмаларнен мешгъуль олып, шу джумледен миллий шуурымызнынъ да шекилленмесине тесир эткен инсанлар сырасында Исмаил Керимовны анъмамакъ мумкюн дегиль. Миллетимизнинъ кечмишине, медениети, санаты, эдебиятынынъ тарихына аит нидже-нидже девирлер къатламыны котерип, шу къатламлар арасында мисильсиз дереджеде къыйметли шейлерни тапып, оларны халкъкъа къайтаргъан алимнинъ федакяр эмегининъ махсулы, эльбет де, халкъ тефеккюрине мусбет тесир этмей къалмаз.
Исмаил Керимовны окъуйыджыларымызгъа такъдим этмеге аджет ёкътыр, беллейим. Чюнки бу инсаннынъ неширимиз ичюн мына энди онларнен йыллар девамында мунтазам суретте азырлап келеяткъан материаллары вастасынен онынъ озюнен де яхшы танышмыз.
Октябрь 3-те Исмаил Керимов 65 яшыны толдурды. Бугунь урьметли оджамызны юбилейинен хайырлап, онынъ чокъ черчивели фаалиети, иджанынъ гъает эмиетли бир тарафы – миллий матбуатымызнынъ инкишафындаки хызметлери хусусында сёз юрютмек истеймиз…
ДЕВАМЫНЫ «ЯНЪЫ ДЮНЬЯ»ДА ОКЪУНЪЫЗ
«Янъы дюнья» №40(1578) 9.10.2020