В материале «Эр вакъыт коронавирус къоркъусынен яшамакъ олмаз» («Нельзя постоянно жить в страхе») терапевт Найле Чураева даёт советы, как не заболеть в условиях пандемии.
Весиле МЕНУСМАН
Бугуньки куньде фармацевтика бизнеси буюк тезликнен инкишаф эте. Пештахталарда адамнынъ дикъкъатыны аселет джельп эткен чешит ренкли къутуларда чешит тюрлю иляджлар сатыла. Базыда иляджханеге киргенде озюнъни санки бир къанфет тюкянына кирген киби ис этесинъ. Бирде керекли иляджынъны алгъан сонъ, фармацевт: «Шимди бизде юрек ичюн яхшы иляджларгъа акция бар. Истемейсинъизми?», – деп сорагъанда асылында аптеканынъ тюкяндан ич бир фаркъы олмагъаныны анълайсынъ. Лякин адамлар телевизордан я да интернеттен акъкъан рекламаларгъа инанып, яланларгъа къапылалар. Нетиджеде шу ерде параларыны къалдырып кетелер.
Эм де бугуньки коронавирус пандемиясы мунасебетинен адамларда къоркъу ве теляш пейда олып, эр кес эр ихтималгъа къаршы сувукъланув ве вирускъа къаршы иляджлар алып къоямагъа тырыша. Лякин бу иляджларнынъ эписи керек оламы? Оларнынъ эписи бизге ярдым этеми?
Газетамызнынъ эвельки санларындан биринде яш терапевт ве блогер Найле Чураева акъкъында язгъан эдик. Кеченлерде о вирускъа къаршы иляджлар акъкъында меракълы бир малюматнен пайлашты.
Мегер, вирускъа къаршы иляджлар вирус инфекцияларындан къорчаламай экен. Буны эким бойле анълата: «Вирус бу не? Латин тилинден «зеэр» деп терджиме этиле. О, уджейресиз яшап оламаз, яни чогъалмакъ ве арекет этмек ичюн вирус адамнынъ уджейреси ичине кирмек керек. Уджейресиз бу вирус ич бир фаалиет косьтермеген адий бир парчачыкътыр (частица). Шунынъ ичюн оксолин мельэми (оксолиновая мазь), чешит тюрлю «йылдызчыкъ»лар («звёздочка») ве бунынъ киби шейлер вирускъа тесир этип оламайджакъ. Чюнки адамнынъ уджейресине кирмезден эвель о вирус джанлы олмагъан мадде (неживая материя) сайыла…
ДЕВАМЫНЫ «ЯНЪЫ ДЮНЬЯ»ДА ОКЪУНЪЫЗ
«Янъы дюнья» №40(1578) 9.10.2020