Сайде СЕИТДЖЕЛИЛ
Хансарай янында ерлешкен къынтавлы «Дервиш эви»нинъ устаханесинде иджат муити укюм сюре. Устахане донатылмасынынъ озю иджидий ишке киришмек ичюн ильхам бере. Иште, бу ерде уста къандильджи Энвер Яшлавский текрарланмаз шейлер япа. Онынъ къолу астындан чыкъкъан чешит къандиллер, фенерлер, шемданларны земаневий къырымтатар джамресим санатынынъ акъикъий нумюнеси демек мумкюн.
Уста Энвер Яшлавский индже санаттан бираз узакъ тургъан учь алий тасильнинъ саиби олгъанына ве омюри девамында малие саасында буюк теджрибе арттырып етиштиргенине бакъмадан, бундан учь йыл эвельси озю ичюн бус-бутюн янъы ишни башлагъан, яни о маддий медениетимизнинъ артыкъ джоюлгъан бир чешитини янъыдан джанландырмакъ огърунда чалышып башлагъан. Бу – джамресим (витраж) япув санатыдыр. Айтмакъ керек ки, о къыскъа вакъыт ичинде бу санатнынъ эппейи юксек нокъталарыны запт этсе де, санат сырларыны исрарнен огренмекни девам эте.
Асылында онынъ эр бир эсери айрыджа мана ташый. Джамресим санатыны эр тарафлама, шу джумледен, эр бир нагъыш ве ренкнинъ маналарыны огренмеге даврангъан уста япкъан къандиллери къорчалайыдж бир васта оларакъ эвдеки барышыкъ ве аманлыкъны сакълап тутмасыны истей. Шунынъ ичюн де къырымтатар миллий орьнеклерининъ маналарыны огрене.
Энвер устанынъ даа бир авеслиги – бакъыр устюнде оймалы нагъышлар япмагъа севе… ДЕВАМЫНЫ «ЯНЪЫ ДЮНЬЯ»ДА ОКЪУНЪЫЗ