Весиле МЕНУСМАН
Къырымтатар нагъышы эвель-эзельден тек халкъымыз арасында дегиль де, дигер мемлекетлерде де буюк меракъ уяндыргъан. Та 1920-1930-нджы сенелерде нагъыш техникасыны мукеммель бильген нагъышчылар халкъара ве Советлер Бирлигинде олгъан сергилерде иштирак этип, энъ буюк мукяфатларгъа наиль олгъан эдилер.
Орта асырларда нагъышчыларнынъ ихтисасий цех бирлешмелери олгъан. Бойле цехлер Къырымнынъ эр бир буюк шеэринде ерлешкен ве оларда нагъышчылыкънен эсасен эркеклер огърашкъан. Амма нагъышчылыкъ энъ чокъ къадынлар арасында популяр олгъан.
1944 сенеси халкъымыз Ватанындан сюргюн этильген сонъ, орнаменталь санатнынъ инкишафы токъталды. 70-тен зияде аньаневий унерден нагъыш, токъумаджылыкъ ве къуюмджылыкъ санатлары сакъланылды. Тек 1990-нджы сенелерде, халкъымыз Ватанына авдет олгъан сонъ, къырымтатар медениети ве санаты, айны вакъытта, нагъышчылыкъ да гъайрыдан тикленмеге башланды. Нагъышлы токъумалар эр бир къырымтатар эвинде, миллий кийимлеримизде къулланылгъаны ичюн къырымтатар халкъ нагъышчылыгъы гъайып олмагъан.
Бугуньки куньде къырымтатар нагъышыны гъайрыдан тиклегенлерден бири Хатидже Юнусовадыр. О, миллий орьнеклеримизни теренден огренип, эр бир орнаментнинъ манасыны билип, аджайип эсерлер ярата.
Хатидже ханым 1981 сенеси Янъыёл шеэринде догъгъан. Энди 9 яшындан эль ишинен мешгъуль олгъан ве мектепте окъугъанда да чешит эль иши курсларына къатнап, тикиш ве нагъышнынъ чешит усулларыны менимсеген.
Эль ишлерине севги Хатидже ханымгъа анасындан кечкен, чюнки къызнынъ анасы да эль ишлеринен мешгъуль олгъан, тикмеге ве орьмеге севген. Ондан гъайры Хатидже ханым эки догъмуш таталарынынъ озь эллеринен дюльбер шейлер ясагъанларыны корип, озю де бир шейлерни япмагъа авес эткен. Бу, Хатидже ханымнынъ келеджекте насыл зенаат саиби оладжагъына тесир эткендир.
1992 сенеси Хатидже Юнусова Ватангъа келип, къадимий Багъчасарай шеэринде ерлеше ве бугунь де бу шеэрде яшай…
ДЕВАМЫНЫ «ЯНЪЫ ДЮНЬЯ»ДА ОКЪУНЪЫЗ