«Энъ яхшы мезун – 2020» ярышынынъ гъалиби олгъан яш эким

В материале ««Энъ яхшы мезун – 2020» ярышынынъ гъалиби олгъан яш эким» («Молодой врач – победитель конкурса «Лучший выпусник-2020») рассказывается о молодой и талантливом семейном враче Наримане Аблаеве.

Весиле МЕНУСМАН

Эски заманлардан башлап, эким зенааты пек шерефли бир зенаат сайыла. Бугунь де шифакярлар энъ урьметли инсанлардыр, чюнки олар энъ къыйметли шейни – инсан сагълыгъы къоруй, онынъ омюрини сакълап къалмагъа чалышалар.
Бу шерефли зенаат саиплеринден бири – бу йыл С. И. Георгиевский адына тиббий академияны битирип, аиле экими олгъан Нариман Аблаевдир. Яш мутехассыс «Энъ яхшы мезун – 2020» умумрусие ярышында гъалебе къазангъан. О, Русиенинъ бутюн тиббий университетлеринден иштирак эткен 4000 студент арасындан сечилип алынгъан энъ яхшы 10 мезун арасындан ер алгъан.
Нариман Аблаев Кефе шеэринде догъгъан ве орта тасильни башта Кефе мектебинде, сонъра исе Ислям Терек районынынъ мектебинде алгъан. Йигитнинъ айткъанына коре, о, эким олмакъны балалыгъындан арзу эткен: «Бизим азбарымызда пек чокъ айван – тавукъ ве къазлар, къой ве эчкилер, копегимиз бар эди. Эв айванларымызны пек севе эдим ве о вакъыт мен мал экими олмагъа арзу эте эдим. Сонъ 6-7 яшларымда нейрохирург акъкъында кино бакъып, адамларны тедавийлемеге истегенимни анъладым».
15 яшында осьмюр кёр ичек хасталыгъынен хастаханеге тюше ве анда экимлернинъ чалышкъаныны, хастахане муитини корип, энди 100% тек эким олмагъа истей.
«Къартана-къартбабаларымны пек севе эдим ве олар хаста олгъанда пек сыкъыла эдим, лякин кичкене бала олгъаным ичюн, элимден ич бир шей кельмей эди. Амма балабан олгъан сонъ, 18-19 яшларында тувгъанларымызгъа ве сой-сопларымызгъа ярдым этип башладым», – дей яш эким.
Нариман Аблаев тиббий академиянынъ учюнджи курсында окъугъанда энди аджеле ярдым бригадасында чалышып башлагъан. Онынъ айткъанына коре, озь ишини ве окъувыны пек севгени ичюн, иш ве окъувны бириктирмек пек де къыйын олмагъан.
Бригадада чокъ йыл чалышкъан экимлер саесинде яш эким пек чокъ шейни огренип, эппейи теджрибе арттыргъан. Иш девамында чешит тюрлю къазалар, адамларда къан басымынынъ котерилювини, эпилепсия ве дамар чекюв алларыны корьген яш эким бу зенаатнынъ не къадар эмиетли олгъаныны анълагъан. «Насыл эким олса олсун – гастроэнтерологмы, психиатрмы, неврологмы – эр бири энъ эвеля аджеле ярдым бермеге бильмек керек. Энъ биринджи вазифемиз адамны къуртармакъ, сонъ энди исе тедавийлемектир», – дей йигит…

ДЕВАМЫНЫ «ЯНЪЫ ДЮНЬЯ»ДА ОКЪУНЪЫЗ

Добавить комментарий

Ваш адрес email не будет опубликован. Обязательные поля помечены *